TIMES OF AHMEDNAGAR
लोकसभा निवडणुकीच्या पार्श्वभूमीवर भाजपच्या उमेदवारांच्या प्रचाराकरिता पंतप्रधान नरेंद्र मोदींच्या सभेंचे आयोजन करण्यात येत आहे. अहमदनगर दक्षिण लोकसभा मतदारसंघातून भाजपचे उमेदवार तथा विद्यमान खासदार सुजय विखे यांच्या प्रचारासाठी पंतप्रधान नरेंद्र मोदी हे अहमदनगर शहराच्या दौऱ्यावर आहे. सुजय विखेंच्या प्रचारासाठी मोदींची सभा होणार असून मोदींच्या सभेसाठी मोठी गर्दी होणार आहे. या करिता प्रशासनाने वाहतुकीच्या मार्गांमध्ये बदल केले आहे. अहमदनगर शहरातुन पुणे, मुंबई, विदर्भ,मराठवाडा इ. ठिकाणांना जोडणारे महत्वाचे महामार्ग जात असल्यामुळे सदर महामार्गावरुन मोठ्या प्रमाणात वाहनांची वर्दळ सुरु असते. सदर वाहतुकीमुळे मोदींचा वाहनताफा सभेच्या ठिकाणी येण्यास अडचणी निर्माण होवून सुरक्षेचा प्रश्न निर्माण होवू नये तसेच सभेसाठी येणाऱ्या नागरिकांना वाहतुक कोंडीला सामोरे जावे लागु नये त्या करीता दि.०७/०५/२०२४ रोजीचे १४.०० ते २२.०० वा पावेतो खालील नमुद वाहतुक मार्गामध्ये बदल करण्याचे नियोजन करण्यात आले आहे.
