काश्मीरमध्ये अडकलेल्या नगर जिल्ह्यातील  २५ ते ३० पर्यटकांशी खासदार लंकेंनी साधला संपर्क ; पर्यटकांना सुखरूप आणण्यासाठी लंकेंची यंत्रणा तैनात. !

भारताचं नंदनवन समजल्या जाणाऱ्या काश्मीरमधील पहलगाम पर्यटकांच्या रक्ताच्या सड्याने लाल झाल आहे. दहशतवाद्यांनी केलेल्या गोळीबारात आतापर्यंत तब्बल २८ जण मृत्युमुखी पडले आहेत. काश्मीरमध्ये अडकून पडलेल्या अहिल्यानगर जिल्ह्यातील नागरिकांसाठी खासदार डॉ. निलेश लंके यांच्याकडून मदत पुरवली जाणार आहे. काश्मीरमध्ये अडकलेल्या अहिल्यानगर जिल्ह्यातील  २५ ते ३० पर्यटकांशी संपर्क करून त्यांना परतण्यासाठी सर्वतोपरी मदत करण्याची ग्वाही खासदार लंके यांनी दिली आहे. या पर्यटकांनी खासदार लंके यांच्याशी संपर्क साधला आहे. खासदार लंके यांनी सर्व पर्यटकांची आस्थेने चौकशी करून आपण त्यांच्यासोबत असल्याची ग्वाही दिली आहे. काश्मीरमधील पहलगाममध्ये दहशतवादी हल्ल्यात २८ पर्यटकांना ठार मारल्यानंतर तेथील परिस्थिती तणावपुर्ण असून तिथे पर्यटनासाठी गेलेले देशाच्या विविध भागांतील पर्यटक भितीच्या छायेखाली असल्याची माहिती मिळाल्याने खासदार लंके सध्या या पर्यटकांच्या मदतीसाठी तैनात झाले असल्याचे समजते.

(संग्रहित दृश्य.)

खासदार निलेश लंकेंकडून पर्यटकांची विचारपूस…..