अहमदनगर शहरातील बसस्टँड समोरील हॉटेलला लागली आग.
अहमदनगर दि.२५ डिसेंबर :
माळीवाडा बसस्थानका समोरील हॉटेल पंचरत्नला आज २५ डिसेंबर रोजी सकाळी आग लागली आहे. सुदैवाने यात जीवितहानी झालेली नाही. मात्र वित्तहानी मोठ्या प्रमाणात झाली.माळीवाडा बसस्थानक जवळ असलेल्या पंचरत्न हॉटेलला आज सकाळी सव्वा आठ वाजेच्या सुमारास अचानक आग लागली.
हॉटेलमधून अचानक धुर बाहेर पडू लागल्याने नागरिकांनी धाव घेती. सदरील हॉटेलला आग लागल्याची माहिती मिळताच महापालिकेच्या अग्निशमन दलाचे पथक तेथे दाखल झाले.आगीवर नियंत्रण मिळविण्यात अग्निशमन विभागाला यश आले.मात्र तोपर्यंत हॉटेलमधील मौल्यवान वस्तू जळून खाक झाल्या.ही आग शॉर्ट सर्किटमुळे लागल्याची शक्यता दर्शवली जात आहे.
