राहुल गांधी हे ख्रिश्चन आहेत की मुस्लीम आहेत हे त्यांनाही माहिती नाही ; ते जर ब्राम्हण असतील तर ……. भाजपा आमदाराच्या विधानाने नवीन वाद.

लोकसभेचे विरोधी पक्षनेते राहुल गांधी हे सातत्याने जातीजनगणेची मागणी करत आहेत. यावरून भाजपाकडून त्यांना लक्ष्य केलं जात आहे. अशी मागणी करणं म्हणजे जातीजातींमध्ये भेद निर्माण करण्याचा प्रयत्न आहे, असा आरोप भाजपाकडून वारंवार केला जात आहे. अशातच आता कर्नाटकमधील भाजपाच्या आमदाराने राहुल गांधींबाबत एक विधान केलं आहे. जात जणगनणेची मागणी करणाऱ्या राहुल गांधींना ते मुस्लीम आहे की ख्रिश्चन हेच माहिती नाही असं वक्तव्य केले आहे. त्यांच्या या विधानानंतर आता पुन्हा नवा वाद निर्माण होण्याची शक्यता आहे. इंडिया टुडेने दिलेल्या वृत्तानुसार, कर्नाटकच्या बीजापूर शहर विधानसभा मतदारसंघाचे आमदार बसंगौडा पाटील यतनाल यांनी राहुल गांधींच्या जातीबाबत विधान केलं आहे. तसेच राहुउल गांधी यांची वंशावळ तपासावी, अशी मागणीही त्यांनी केली आहे. राहुल गांधी अमेरिकेत जातात आणि देशविरोधी विधानं करतात. तर भारतात असताना ते जातीजनगणनेची मागणी करतात. त्यांचा जन्म कोणत्या जातीत झाला, हे कुणालाही माहिती नाही. आपण मुस्लीम आहेत की ख्रिश्चन, हे स्वत: राहुल गांधी यांनाही माहिती नसेल, त्यामुळे राहुल गांधी यांची वंशावळ तपासावी असं ते म्हणाले आहे.