त्या अॅपचा वापर करून तब्बल ७ विद्यार्थिनींचा बलात्कार केल्याची धक्कादायक घटना आली समोर…….

व्हॉट्सॲप ग्रुपवरून मुलींचे नंबर काढून….

या  टोळीतील एक आरोपी त्याच महाविद्यालयात काही काळापूर्वी शिकत होता. तो महाविद्यालयाच्या व्हॉट्सॲप ग्रुपवरून मुलींचे नंबर काढून मुख्य आरोपी ब्रिजेशला देत होता. आवाज बदलण्याच्या ॲपचा वापर करून सीधी जिल्ह्यातील संजय गांधी महाविद्यालयाच्या उच्चपदस्थ रंजना मॅडम यांच्या आवाजात विद्यार्थीनींना फोन केला जात होता. विद्यार्थीनींचा विश्वास संपादन केल्यानंतर त्यांना शिष्यवृत्तीचे आमिष  दाखवण्यात यायचे. शिष्यवृत्तीसाठी विद्यार्थीनींना त्यांच्या कागदपत्राची पूर्तता करण्यास सांगितले जात असे. यासाठी आपल्या मुलाच्या मित्राला कागदपत्र घ्यायला पाठवते, असे रंजना मॅडमच्या आवाजात आरोपी सांगायचे. ठरलेल्या ठिकाणी विद्यार्थीनी आल्यानंतर तिला मोटारसायकलवर बसून गुप्त स्थळी घेऊन जात असे. तिथे आरोपी विद्यार्थीनीवर बलात्कार करत.

स्त्रोत सोशल मिडिया

सात विद्यार्थीनींवर बलात्कार 

सीधी जिल्ह्यातील मझोली पोलीस ठाण्यात एकेदिवशी महिलेचा निनावी फोन आला आणि या गुन्ह्याचा भांडाफोड झाला आहे. महिलेने दिलेल्या तक्रारीनंतर पोलिसांनी सापळा रचला आणि मोठ्या शिताफीने आरोपींना जेरबंद केले आहे. आरोपींची कसून चौकशी केली असता त्यांनी सात विद्यार्थीनींवर बलात्कार केला असल्याची कबुली दिली आहे. आता या प्रकरणात एक-एक करून विद्यार्थीनी पुढे येत आहेत. त्यांनी चार वेगवेगळ्या पोलीस ठाण्यात तक्रारी दाखल केल्या आहेत.