अरविंद केजरीवाल यांची तुरुंगातून मोठी घोषणा ; म्हणाले महिलांना …..

सरकारी योजना आणि अनुदान बंद होणार असल्याच्या अफवा पसरू लागल्यानंतर दिल्ली सरकारने अधिकृत निवेदन जारी करत म्हटलं आहे की, कोणतीही योजना किंवा अनुदान बंद केलं जाणार नाही. यावरून स्पष्ट झालं आहे की दिल्ली सरकार पाणी आणि वीजेवरील अनुदान बंद करणार नाही. तसेच दिल्लीतल्या महिला डीटीसी बसमधून मोफत प्रवास करू शकतात. यासह इतर योजनादेखील चालू राहतील.

स्त्रोत.सोशल मिडिया.

तुरुंगातही दिल्लीतल्या जनतेची चिंता आहे.

दिल्ली सरकारमधील मंत्री आतिशी मार्लेना यांनी सोमवारी (२९ एप्रिल) तिहार तुरुंगात जाऊन मुख्यमंत्री अरविंद केजरीवाल यांची भेट घेतली. या भेटीनंतर आतिशी म्हणाल्या, केजरीवाल यांना तुरुंगातही दिल्लीतल्या जनतेची चिंता आहे. मी त्यांना विचारलं की, ते कसे आहेत ? त्यावर ते म्हणाले, तुम्ही माझी काळजी करू नका, माझ्या आरोग्याची देखील काळजी करू नका. दिल्ली सरकारचं काम कसं चाललंय ते सांगा. शाळेतल्या मुलांना वेळेवर पुस्तकं मिळतायत का ? विद्यार्थ्यांचं शिक्षण वेळेवर चालू आहे ना ? शाळांमध्ये कुठलीही अडचण नाही ना ? मोहल्ला क्लिनिकमध्ये औषधं वेळेवर पोहोचतायत की नाही ? अनेक ठिकाणांहून तक्रारी येत होत्या की, मोहल्ला क्लिनिकमध्ये पुरेशी औषधं नाहीत. ती समस्या आपण सोडवली का ? उन्हाळा वाढलाय त्यामुळे दिल्लीत पाण्याची समस्या निर्माण झाली असेल कुठेही पाणी कमी पडता कामा नये.

आतिशी म्हणाल्या, केजरीवाल यांचं तुरुंगातून दिल्ली सरकारच्या योजनांकडे लक्ष आहे. त्यांनी तुरुंगातून दिल्लीतल्या महिलांना एक संदेश पाठवला आहे. ते म्हणाले, मी लवकरच तुरुंगाबाहेर येईन आणि दिल्लीतल्या महिलांना दर महिन्याला १,००० रुपये देण्याचं वचन पूर्ण करेन.