आतिक विकतोय सुगंधित गुटखा आणि मावा , छापा पडू न देण्याचा दीपक दादांचा दावा.

TIMES OF AHMEDNAGAR

अहमदनगर शहरात अवैध धंद्यांचे साम्राज्य वारंवार वाढतच चालले आहे. या अवैध साम्राज्याला उध्वस्त करण्याची हिम्मत प्रशासनामध्ये राहिलेली नसल्याचे बोलले जाते. सुगंधित तंबाखू,मावा , गुटखाचे सेवन केल्याने अनेक तरुणांचे कुटुंब उध्वस्त झाले आहेत. अनेक तरुणांना कॅन्सर सारख्या आजारांचा सामना करावा लागत आहे. दुर्दैवी अनेक तरुणांना या आजारामुळे प्राण देखील गमवावे लागत आहे.

आतिकने विक्री केलेल्या गुटख्याचा पिडीत फोटो.-सूत्र.

गुटख्याचा स्टारप्रचारक गुटखा किंग आतिक !

अहमदनगर शहरात अवैध सुगंधित तंबाखू विक्रीचा किंग म्हणून आतिक नामक एका पंटरची चर्चा आहे. काही बेमान कर्मचाऱ्यांना हाताशी धरून आतिक हा अवैध तंबाखू विक्रीची साखळी शहरात रुतवत आहे. गुजरात,हरियाणा,मध्यप्रदेश,अशा वेगवेगळ्या राज्यांतून आतिक हा वेगवेगळ्या कंपन्यांचे वेगवेगळे अवैध गुटख्यांचे नमुने आणून शहरात विक्री करत आहे. भिंगार कॅम्प पोलिसांच्या हद्दीत आतिकचे भले मोठे अवैध साम्राज्य आहे. त्या साम्राज्याला दीपक नामक भिंगारचा दादा सहकार्य करत असून आतिकच्या इशाऱ्यावर हा दादा नाचत असल्याने आतिकची  हिम्मत वाढत असून अवैध गुटखा विक्रीचे साम्राज्य देखील वाढत असल्याचे समजते.    

प्रभारी राज्यात देणेघेणे नाही. ?

भिंगार कॅम्प पोलीस ठाण्याला सहा.पोलीस निरीक्षक दिनकर मुंडे होते. मात्र मुंडेंची बदली झाल्याने कॅम्प पोलीस ठाण्याला कोणी आधिकारी नसल्याने सहा.पोलीस निरीक्षक म्हणून योगेश राजगुरू यांची प्रभारी म्हणून नियुक्ती करण्यात आली होती. मात्र प्रभारी हे काही दिवसाचे पाहुणे असतात त्यामुळे जसं चालतंय तसं चालुद्या अशी मानसिकता काही अधिकाऱ्यांमध्ये असते.आधिकारी जरी काही चांगले करायच्या मानसिकतेत असले तरी देखील काही पंटर त्यांना सुधरू देत नसल्याचे समजते. त्यामुळे सध्या तरी योगेश राजगुरू हे आतिकच्या मुसक्या आवळू शकत नाही असे म्हंटल्यास वावगे ठरणार नाही. कारण राजगुरू यांची सहा.पोलीस निरीक्षक पदावरून बढती झाली असून काही दिवसांमध्ये त्यांना पोलीस निरीक्षकांची सूत्रे दुसऱ्या ठिकाणी हाती घ्यावी लागणार आहे.