पोलिसांच्या बदल्या होऊन देखील कार्यमुक्त नाही,अवैध धंद्यांचा जपनाम, प्रशासन कधी करणार कारवाईचे काम …..

TIMES OF AHMEDNAGAR

अहमदनगर – विशेष पोलीस महानिरीक्षक नाशिक परिक्षेत्र डॉ.बी.जी.शेखर पाटील यांची नुकतीच बदली झाली आहे. त्यांच्या जागी दत्तात्रय कराळे यांची नियुक्ती झाली आहे. जळगावचे तत्कालीन पोलिस अधीक्षक व ठाणे शहर सह पोलिस आयुक्त म्हणून दत्तात्रय कराळेंनी कारभार पाहिला आहे. नाशिक परीक्षेत्राचा विशेष पोलीस महानिरीक्षक म्हणून पदभार स्विकारल्यानंतर कराळेंनी बुधवार दि.२१ फेब्रुवारी शहराचा दौरा केला.कराळेंना शहराचा चांगला अनुभव देखील आहे. कारण कराळेंनी यापूर्वी शहराचा कारभार संभाळला आहे. त्यामुळे नगरकरांच्या कराळेंकडून अपेक्षा वाढल्या आहेत.आलेल्या प्रत्येक तक्रारदाराचे म्हणणे ऐकून त्यांना त्यांच्या अडचणी समजून घेऊन त्यांना न्याय देणाऱ्या अधिकाऱ्यांच्या यादीत कराळेंचे नाव आवर्जून घेतले जाते.

महानिरीक्षकांनी नजर फिरवली ? 

 विशेष पोलीस महानिरीक्षक यांनी अहमदनगरचा दौरा केला. एकेकाळी अहमदनगरचा कारभार संभाळला असल्यामुळे महानिरीक्षकांकडून नगरकरांच्या अपेक्षा वाढल्या होत्या. अहमदनगर शहरात अवैध धंद्यांचे साम्राज्य आहे. जिल्हा पोलीस अधीक्षक कार्यालयापासून अगदी हाकेच्या अंतरावर असलेल्या तोफखाना पोलीस ठाण्याच्या हद्दीत बेलगाम गुन्हेगारी वाढली आहे. खासगी क्लासेसमध्ये अल्पवयीन मुलीवर अत्याचार झाला,एका मजुराचा खून,दरोडे,अशा अनेक घटना तोफखाना हद्दीत वारंवार घडत आहेत. या हद्दीत अनेक अवैध धंद्यांचे साम्राज्य आहे या अवैध धंद्यांवर कोणतीही कारवाई होत नसल्याचे स्थानिक नागरिक नाराजी व्यक्त करतात. या धंद्यांना बाबा जपेश्वर जपत असल्याची प्राथमिक माहिती आहे.

स्तोत.सोशल मिडिया.

बाबांचा जपनाम ……

अभिनेता बॉबी देओल याची आश्रम हि  सिरीज मध्यंतरी खूप गाजली या मध्ये बॉबी देओलने एका साधू महाराजाची भूमिका साकारली होती. या सिरीजमध्ये जपनाम….जपनाम चा जोर गाजला होता. तोफखाना हद्दीत देखील असाच एक बाबा आहे त्याचे जपनाम ….. जपनाम …. केल्यास तो महाराज अवैध धंद्यांना मजबूत आशीर्वाद देत असल्याची चर्चा सध्या रंगली आहे.

कोतवालीचा धिंगाणा …….

मागील काही दिवसांपूर्वी मारामारीची एकच सिरीज सुरु होती.कोतवाली पोलीस ठाण्याच्या हद्दीत देखील अवैध धंद्यांचा सुळसुळात सुरूच आहे. अवैध धंद्यांमुळे अनेकांना जीवाची बाजी लावावी  लागत आहे. मात्र कोतवाली पोलिसांनी या अवैध धंद्यांना जास्त गांभीर्याने घेतले नसल्याचे समजते.कोतवाली पोलीस ठाण्याच्या एका कर्मचाऱ्याने मनसेच्या एका पदाधिकाऱ्याला चांगलाच चोप दिला होता. त्या कर्मचाऱ्याला निलंबित करण्यासाठी मनसे आक्रमक झाली होती.

पोलीस कार्यमुक्त नाहीच. 

आगामी लोकसभा निवडणुका तोंडावर असल्यामुळे आचारसंहिता लागण्याची धाकधूक सुरु झाली आहे. त्यामुळे गृह विभागाने सतर्कता दाखवत राज्यभरातील बदलीच्या कक्षेत असलेले आणि आचार संहिताच्या नियमात बसणाऱ्या पोलीस अधिकाऱ्यांच्या बदल्याची जोरात तयार सुरु केली आहे. काही पोलीस अधिकारी पसंतीच्या शहरात बदलीची ‘सेटिंग’ लावत असल्याची माहिती सूत्रांनी दिली आहे.पोलिसांच्या बदल्या झाल्या आहेत मात्र अनेक पोलीस ठाण्याच्या पोलीस निरीक्षकांनी त्यांना कार्यमुक्त केलेले नाही. या कर्मचाऱ्यांना वरिष्ठ अधिकारी कार्यमुक्त का करत नाहीत हा देखील संसोधानाच विषय असल्याचे बोलले जाते.