त्या हत्या प्रकरणात बाबा राम रहीमसह चारजण निर्दोष. सिरसा येथील आश्रमात दोन महिला अनुयायांवर बलात्कार केल्याप्रकरणी………

(संग्रहित दुष्य.स्त्रोत.सोशल मिडिया)

राम रहिमसह पाच आरोपींची निर्दोष मुक्तता…..

डेरा व्यवस्थापनचे सदस्य असलेल्या रणजीत सिंह यांची १० जुलै २००२ मध्ये गोळ्या झाडून हत्या करण्यात आली होती. यामध्ये रणजीत सिंह यांनी साध्वी लैंगिक शोषण प्रकरणात निनावी पत्र लिहिल्याचा संशय होता. मात्र, या हत्या प्रकरणात पोलिसांनी केलेल्या चौकशीसंदर्भात संशय व्यक्त करत या प्रकरणाचा तपास सीबीआयद्वारे करण्यात यावा, अशी मागणी रणजीत सिंह यांच्या मुलाने केली होती. त्यानंतर या प्रकरणाचा तपास सीबीआयकडे सोपवण्यात आला होता. त्यानंतर २००७ मध्ये या हत्या प्रकरणात बाबा गुरमीत राम रहीमवर आरोप निश्चित करण्यात आले होते. मात्र, आधी राम रहीमचं नाव या प्रकरणातील आरोपीमध्ये नव्हतं. पण सीबीआयकडे या प्रकरणाचा तपास आल्यानंतर राम रहिमचा ड्रायव्हरच्या जबाबावरून राम रहिमचा आरोपींमध्ये समावेश करण्यात आला होता. त्यानंतर सीबीआयने तपास पूर्ण केल्यानंतर या हत्या प्रकरणाचा २०२१ मध्ये निकाल लागला. यामध्ये गुरमीत राम रहीमसह इतर चार जण दोषी ठरवत जन्मठेपेची शिक्षा न्यायालयाने सुनावली होती. यानंतर राम रहीमने या निर्णयाविरोधात उच्च न्यायालयात याचिका दाखल केली होती. या याचिकेवर सुनावणी झाल्यानंतर आता उच्च न्यायालयाने राम रहिमसह पाच आरोपींची निर्दोष मुक्तता केली आहे.

(संग्रहित दुष्य.स्त्रोत.सोशल मिडिया)

२० वर्षांच्या तुरुंगवासाची शिक्षा……

डेरा सच्चा सौदाचा प्रमुख गुरूमीत राम रहीमला २८ ऑगस्ट २०१७ ला २० वर्षांच्या तुरुंगवासाची शिक्षा सुनावण्यात आलेली आहे. सिरसा येथील आश्रमात दोन महिला अनुयायांवर बलात्कार केल्याप्रकरणी त्याला ही शिक्षा झालेली असून रोहतक येथील तुरुंगात तो २० वर्षांच्या तुरुंगवासाची शिक्षा भोगत आहे.