मदतारांनी माजी.पंतप्रधानाच्या नातवाला नाकारले ; सेक्स व्हिडीओ प्रकरणातील आरोपी प्रज्ज्वल रेवण्णा पराभवाच्या यादीत,मोदींची सभा ठरली फेल.

यंदाच्या निवडणुकीत प्रज्वल रेवण्णाचा मुद्दा चांगलाच गाजला होता. भाजप नेत्यांनाही या मुद्द्यावरुन प्रचाराला सामोरे जाताना अडचण आल्याचे दिसून आले आहे. कर्नाटकसह देशभरात प्रज्ज्वल रेवण्णाच्या मुद्द्यावरुन रणकंदन घडले होते. आता, निवडणूक निकालात जनतेने नाकारल्याचे दिसून येत आहे. दुपारी १२.४५ वाजेपर्यंत हाती आलेल्या आकडेवारीनुसार प्रज्वल रेवण्णा यास ४ लाख ९१ हजार ०६७ मत मिळाली आहेत. तर, काँग्रेस उमेदवार श्रेयस पटेल यांना ५  लाख १४ हजार ४८५ मते मिळाली आहे. त्यामुळे, सध्या २३,४१८ मतांसह पटेल आघाडीवर असल्याचे दिसून येत आहे. मात्र, हाती आलेल्या माहितीनुसार प्रज्ज्वल रेवण्णाचा पराभव झाल्याची माहिती आहे.

स्त्रोत सोशल मिडिया  

सध्या प्रज्वल रेवण्णा बंगळुरु पोलिसांच्या कोठडीत….

दरम्यान,बंगळुरुच्या केम्पेगौडा आंतरराष्ट्रीय विमानतळावर प्रज्वल रेवण्णा पोहोचताच त्याच्यावर पोलिसांनी कारवाई केली होती. कर्नाटक पोलिसांच्या एसआयटीला इंटरपोलने गुरुवारी प्रज्वल रेवण्णाच्या भारतात येण्यासंदर्भात माहिती दिली होती. त्यानंतर बंगळुरु पोलिसांनी प्रज्वल रेवण्णाच्या अटकेसाठी पूर्वतयारी करुन ठरली होती. बंगळुरु पोलिसांच्या एसआयटीने  प्रज्वल रेवण्णा भारतात पोहोचताच अटकेची कारवाई केली. सध्या प्रज्वल रेवण्णा बंगळुरु पोलिसांच्या कोठडीत आहे.