युद्धाच्या दिशेने आणखी एक पाऊल, पाकिस्तानची रडार यंत्रणा नष्ट ; भारताचे पाकिस्तानवर दहा मोठे हल्ले…

नवी दिल्ली : पाकिस्तानच्या दहशतवादी तळांवर हल्ला करुन ती उद्ध्वस्त केल्यानतंर ऑपरेशन सिंदूर हे सुरूच राहणार असल्याचं भारताने त्याच्या कृतीतून स्पष्ट केलं आहे. भारताने आता लाहोर कराचीपर्यंत जाऊन ड्रोनच्या माध्यमातून पाकिस्तानची रडार यंत्रणा उद्ध्वस्त  केल्याचं समोर आलं आहे. त्यामुळे भारतीय विमाने आता पाकिस्तानच्या हद्दीत घुसून कारवाई करतील आणि ते पाकिस्तान ट्रॅक करु शकणार नाही. याचसोबत पाकिस्तानच्य विविध ठिकाणी बॉम्ब स्फोट होत असून त्यामुळे संपूर्ण पाकिस्तामध्ये गोंधळाची परिस्थिती निर्माण झाली आहे. सिंदूर ऑपरेशनमध्ये भारताने आधी पाकिस्तानच्या ९ दहशतवादी ठिकाणांवर हल्ला केला. त्यानंतर ही कारवाई सुरुच असून पाकिस्तान पुरस्कृत दहशतवाद आता मुळासकट संपवण्यावर भारताचा भर आहे. भारतीय वायुदलाला यासाठी सरकारने खास सूट दिली असून पाकिस्तानी विमानं आकाशात दिसल्यास तोडीस तोड उत्तर देण्याचे निर्देश दिले आहेत. भारतानं पाकिस्तानच्या ९ शहरांत ड्रोन हल्ले केल्याची माहिती समोर आली आहे. लाहोर, रावळपिंडी, कराचीमध्ये ड्रोन हल्ला झाल्याचं पाकिस्तानचं म्हणणं आहे. लाहोरमधल्या लष्करी तळावर भारतानं हल्ला केल्याचा दावा करण्यात आला. गुजरानवाला आणि अटक शहरांवरही भारताचे ड्रोन हल्ले झालेत असा पाकिस्तानचा दावा आहे. भारताचे १२ ड्रोन पाडल्याचा पोकळ दावाही पाकिस्ताननं यावेळी केला.  पाकिस्तानमधली मोठमोठी शहरं ड्रोन हल्ल्यानं हादरली आहेत. पाकिस्तानच्या आयएसपीआरचे महासंचालक ले.जन.अहमद शरीफ यांनी हा दावा केला.