फातिमा खातूनच्या पोटी महालक्ष्मीचा जन्म , तय्यब म्हणाले हे देवीचे दर्शन घेण्यासारखे आहे.

फातिमा खातून आणि तय्यब या जोडप्याला आधीच तीन मुले आहेत. फातिमाची प्रसुती तारीख २० जून असल्याने कुटुंबाने कोल्हापूर ते मुंबई असा रेल्वे प्रवास करण्याचा निर्णय घेतला होता. याबाबत तय्यब म्हणाले, इंजिन बिघडल्यामुळे ट्रेन दोन तासांपेक्षा जास्त वेळ लोणावळा येथे थांबली. रात्री ११ च्या सुमारास ती पुन्हा सुरू झाली. तेव्हा माझ्या पत्नीच्या पोटात दुखू लागले त्यामुळे ती शौचालयात गेली. परंतु बराचवेळ झाला तरी ती परत न आल्याने मी तिला पाहायला गेलो. तिथे जाऊन पाहतो तर तिची प्रसुती झाली होती. यावेळी तिथे उपस्थित असलेल्या अनेक महिला प्रवासी मदतीला पुढे आल्या होत्या.

(संग्रहित.स्त्रोत.सोशल मिडिया.)

परिचारिका आणि कर्मचारी स्टेशनवर पोहोचले.

ट्रेनमधील एका जीआरपी कॉन्स्टेबलने तय्यबला जीआरपी हेल्पलाइनवर कॉल करून परिस्थितीची माहिती देण्यास सांगितले. गाडी कर्जत स्टेशनवर आल्यावर कुटुंब गाडीतून उतरले. कर्जत जीआरपीचे एपीआय मुकेश ढेंगे म्हणाले,आम्ही कर्जत उपजिल्हा रुग्णालयाला सूचित केले आणि परिचारिका शिवांगी साळुंके आणि कर्मचारी स्टेशनवर पोहोचले. महिला आणि बाळाला पुढील उपचारासाठी तातडीने रुग्णालयात नेण्यात आले होते. तीन दिवसांच्या उपचारानंतर आई आणि बाळाला घरी सोडण्यात आल्याचे हॉस्पिटलच्या सहाय्यक मॅट्रन पाटील यांनी सांगितले.