पद्मावती चित्रपटाला विरोध करून निर्माते संजय लीला भन्साळी यांना मारहाण करणारे नेते गोगामोडी यांचा खून का झाला ? कोण होते करणी सेनेचे अध्यक्ष गोगामोडी.

फौजी ने केली करणी सेनेच्या प्रमुखांची हत्या,पत्रिका देण्याच्या निमित्ताने हल्लेखोर घुसले होते घरात.

लॉरेंस बिश्नोई गँगचे रोहित गोदारा यांनी सुखदेव सिंह गोगामेडी यांच्या हत्येची जबाबदारी घेतली आहे. 

कोण होते सुखदेव सिंह गोगामेडी ?

रणवीर सिंग व दीपिका पदुकोण यांची महत्वाची भूमिका असलेल्या पद्मावत चित्रपटाला केलेल्या विरोधामुळे आले होते चर्चेत. पद्मावत चित्रपटाचे दिग्दर्शक संजय लीला भन्साळी यांना केली होती मारहाण.

सुखदेव सिंह गोगामेडी यांनी बॉलीवूड दिग्दर्शक संजय लीला भन्साळी यांना ‘पद्मावत’ चित्रपटाच्या शूटिंगदरम्यान सेटवर थप्पड मारली होती. गोगामेडी यांनी या चित्रपटाला खूप विरोध केला होता. या चित्रपटाचे नाव ‘पद्मावती’ ठेवण्यात आले होते, पण राजपूत करणी सेनेच्या विरोधानंतर निर्मात्यांना चित्रपटाचे नाव बदलून ‘पद्मावत’ ठेवावे लागले होते. तसेच अनेक दृश्येही चित्रपटातून हटवली गेली होती. या चित्रपटाला केलेल्या विरोधानंतरच सुखदेव सिंह गोगामेडी राजपूत समाजातील तरुणांमध्ये खूप लोकप्रिय झाले होते.

राष्ट्रीय राजपूत करणी सेनेचे अध्यक्ष सुखदेव सिंग गोगामेडी यांची मंगळवारी जयपूरमध्ये काही अज्ञात हल्लेखोरांनी त्यांच्या घरात घुसून गोळ्या झाडून त्यांची हत्या केली होती.
यांच्या हत्येतील दोन आरोपींची ओळख पटवली असल्याची माहिती पोलिसांनी दिली होती. परंतु हत्या का झाली हे स्पष्ट झाले नव्हते.

राष्ट्रीय राजपूत करणी सेनेचे अध्यक्ष सुखदेव सिंग गोगामेडी यांची मंगळवारी जयपूरमध्ये काही अज्ञात हल्लेखोरांनी त्यांच्या घरात घुसून गोळ्या झाडून त्यांची हत्या केली होती.
यांच्या हत्येतील दोन आरोपींची ओळख पटवली असल्याची माहिती पोलिसांनी दिली होती. परंतु हत्या का झाली हे स्पष्ट झाले नव्हते.

कोण आहेत आरोपी ?

आरोपींपैकी एकाचे नाव रोहित राठौर असे आहे.हा मूळचा मकराना नागौर येथील रहिवासी आहे.तर दुसरा आरोपी नितीन फौजी हा मूळचा हरियाणाच्या महेंद्रगठ येथील आहे.सूत्रांच्या माहितीनुसार आरोपी नवीन शेखावत, रोहित राठोड आणि नितीन फौजी या तिघांनी लग्नपत्रिका देण्याच्या बहाण्याने करणी सेना प्रमुख सुखदेव सिंग गोगामेडी यांची भेट घेतली होती.

हत्येसाठी वापरण्यात आलेली एसयूव्ही कार हल्लेखोरांना कोणी दिली ?

हत्येसाठी नवीन शेखावत याने तीन दिवसांपूर्वी प्रतिदिन ५ हजार रुपये भाड्याने एसयूव्ही कार घेतली होती. मालवीय नगर येथील एजन्सीकडून ही कार भाड्याने घेतली होती. आरोपी गोगामेडी यांच्या निवासस्थानी कार सोडून गेले होते. कारमधून दारूच्या बाटल्या जप्त करण्यात आल्याची माहिती मिळाली आहे.

हत्या का करण्यात आली.

मिळालेल्या माहितीनुसार,जमिनीच्या वादातून ही हत्या झाली असावी.करणी सेनेचे प्रमुख सुखदेव सिंग गोगामेडी हे रोहित गोदाराच्या जमिनीच्या वादात सामील होते.रोहित गोदारा हा कुख्यात गुंड लॉरेन्स बिश्नोईच्या टोळीचा सदस्य आहे.गोदारा याने करणी सेनेचे अध्यक्ष सुखदेव सिंग गोगामेडी यांच्या मृत्यूनंतर लगेचच हत्येची जबाबदारी स्वीकारली होती.मात्र, पोलीस या प्रकरणाचा अन्य बाजूंनीही तपास करत आहेत.

गोगामेडी यांच्या डोळ्यात व छातीत गोळी लागली होती व त्यांचा मृत्यू झाला होता.गोगामेडी यांचा सुरक्षारक्षक आयसीयूमध्ये दाखल आहे.             

या घटनेत एक हल्लेखोरही ठार झाला आहे. गोगामेडी, त्यांचा एक सुरक्षारक्षक व हल्लेखोरासह ४ लोकांना गोळी लागली. यामध्ये दोघांचा मृत्यू झाला असून सुखदेव गोगामेडी यांचा सुरक्षारक्षक आयसीयूमध्ये दाखल आहे. ही घटना सुखदेव यांच्या श्यामनगर येथील निवासस्थानी घडली. घटनेचे सीसीटीव्ही फुटेजही समोर आले आहे. गोगामेडी यांच्या डोळ्यात व छातीत गोळी लागली होती. त्यांना तत्काळ रुग्णालयात दाखल करण्यात आले, मात्र तोपर्यंत त्यांचा मृत्यू झाला होता.

हल्लेखोर ठार –                                                                                                                                                                                                       

पोलीस आयुक्तांनी सांगितले की, क्रॉस फायरिंगमध्ये तीन हल्लेखोरांपैकी एकाचा मृत्यू झाला. त्याचे नाव नवीन सिंह शेखावत आहे. तो मूळचा शापुरा येथील रहिवासी आहे. त्याचे जयपूरमध्ये कापड विक्रीचे दुकान आहे. सीसीटीव्ही फुटेजमध्ये संपूर्ण घटना कैद झाली आहे.दरम्यान लॉरेंस बिश्नोई गँगचे रोहित गोदारा यांनी सुखदेव सिंह गोगामेडी यांच्या हत्येची जबाबदारी घेतली आहे.