महिलांनी घटस्पोटाचे खोटे कागदपत्रे जमा केले,इच्छितस्थळी बदली प्रकरण चव्हाट्यावर,कारवाईसाठी पोलीस तैनात.

जिल्हा परिषदमध्ये बहादुरांनी चक्क शासनालाच लावला गंडा.  

अहमदनगर :  अहमदनगर जिल्हा परिषद,अहमदनगर मधील आर्थिक भ्रष्टाचाराच्या बातम्या आपण ऐकत असतोच.जिल्हा परिषदेच्या आर्थिक भ्रष्टाचाराच्या बातम्या आपल्याला नवीन नाहीत.पण आज नवीन भ्रष्टाचाराच्या बातम्या येत आहेत. विश्वसनीय सूत्रांच्या माहितीनुसार जिल्हा परिषद येथे अनेक अधिकारी व  कर्मचाऱ्यांनी  कागदपत्रामध्ये भ्रष्टाचार केला आहे. (खोटी कागदपत्रे देऊन शासनाची फसवणूक)

जिल्हा परिषदमध्ये  अधिकारी व कर्मचाऱ्यांनी बोगस कागदपत्रे शासकीय दप्तरात जमा केले आहेत. स्वतःच्या फायद्यासाठी शासनाला हूल देणारे शासकीय पदाधिकारी व कर्मचारी हे आता पोलिसांच्या रडारवर आहेत. अपंगत्व नसताना काही बहाद्दुरांनी दिव्यांग असल्याचे दाखले दिले, तर काही महिलांनी तर चक्क घटस्पोटाचे कागदपत्रे जमा केले आहेत. इच्छितस्थळी बदली करवून घेण्यासाठी त्या महिलांनी अशी  लढवली असल्याची प्राथमिक माहिती आहे.

ऑफिसर्स ……. 

येस सर …….

गेट रेडी …..!

जिल्हा पोलीस अधीक्षकांकडे याबाबत तक्रार जाताच जिल्हा पोलीस अधीक्षकांनी कोतवाली पोलिसांना त्वरित कारवाई करण्याचे आदेश दिले.कोतवाली पोलीस ठाण्याचे पोलीस निरीक्षक चंद्रशेखर यादव यांनी जिल्हा परिषद शिक्षणाधिका-यांकडे पाच वर्षांतील शिक्षक बदलीचे अहवाल मागितल्याने शहरात खळबळ उडाली आहे. प्रत्यक्षात ज्या महिलांनी आपल्या नव-यापासून घटस्फोट घेतला होता, त्या महिला त्याच्याशीच संसार करत असल्याचे आढळते.  आंतर जिल्हा बदलीअंतर्गत २०१७ ते २०२२ या पाच वर्षांत बनावट दाखले दिल्याची ही तक्रार आहे. याबाबत जिल्हा परिषदेकडे अनेक संस्था व संघटनांनी चौकशीची मागणी केली होती. मात्र, राजकीय दबावाने ती झालीच नाही. शिक्षणाधिका-यांना पत्र पाठवून गेल्या पाच वर्षांत अशा पद्धतीने आंतरजिल्हा बदलीवरून हजर झालेल्या शिक्षकांच्या नावांची यादी व बदलीचे कारण याची माहिती पोलिसांकडून मागवण्यात आली आहे.