जपेश्वरांचे अवैध धंद्यांना सहकार्याचे काम …..जुगारी करतात जपनाम ….. जपनाम ……

TIMES OF AHMEDNAGAR

अहमदनगर –  आगामी लोकसभा निवडणुका तोंडावर असल्यामुळे आचारसंहिता लागण्याची धाकधूक सुरु झाली आहे. त्यामुळे गृह विभागाने सतर्कता दाखवत राज्यभरातील बदलीच्या कक्षेत असलेले आणि आचार संहितेच्या नियमात बसणाऱ्या पोलीस अधिकाऱ्यांच्या बदल्या सुरु केल्या आणि अनेकांची उचलबांगडी केली होती. शहरात सर्वच पोलीस ठाण्याला नवीन पोलीस निरीक्षक लाभले आहे. नवीन पोलीस निरीक्षक लाभल्याने स्थानिक रहिवास्यांना थोड्या दिवसांसाठी का होईना दिलासा मिळाला होता. मात्र सर्वच हद्दीत जैसे थे ची अवस्था आहे.त्यामध्ये तोफखाना पोलीस ठाण्याचा प्रथम क्रमांक असल्याचे समजते.

अवैध धंद्यांना मदतीचे काम. बाबांचा आर्थिक  जपनाम ….. जपनाम …..  

जिल्ह्यातल्या व शहरातल्या गुन्हेगारी बद्दल कितीही चर्चा करा त्याचा शेवट म्हणजे एक चहा आणि चर्चा समाप्त अशी गत झाली आहे. त्याला कारण देखील तसेच आहे.लिफाफ्यात बंद अब्रूने शहराचे वाटोळे केले आहे.तोफखाना हद्दीत देखील काही नवीन नाही. रामरहीम बाबा सारखा एक बाबा मस्त धडधड करत एन्ट्री मारतो.अवैध धंद्यांवर या बाबाची एन्ट्री होताच जपनाम , जपनाम करत त्याचे पंटर त्या बाबाला सुंदर पाकीट देताच बाबा गायब होतो. जपेश्वरांच्या आशीर्वादाने हद्दीत अनेक बेकायदेशीर प्रकार सुरूच आहेत. अशी माहिती सूत्रांनी दिली आहे.

 तोफखान्यात जुगारांचा अड्डा 

तोफखाना हद्दील मारा-मारी नवीन नाही. मात्र तोफखान्यात मटका जुगारांचा मोठा सुळसुळाट देखील मोठ्या प्रमाणात आहे. तोफखाना हद्दीतील एकविरा चौक येथे जिल्ह्यातला सर्वात मोठा बुकी पत्त्याचा अड्डा चालवत आहे. दुपारी बारा वाजता सुरु होणारा हा अड्डा रात्रभर सुरूच असतो. या अड्ड्यावर जुगार खेळण्यासाठी औरंगाबाद,देवळगाव राजा,घोडेगाव , राहुरी , शेवगाव , पाथर्डी अशा अनेक ठिकाणांहून जुगारी येत असतात. या अड्ड्यावर फेकपत्ता , मन्ना अशा खेळांनी जुगाऱ्यांचे मनोरंजन होत असते. येणाऱ्या जुगाऱ्यांच्या खाण्यापिण्याची सोय या बुकींच्या माध्यमातून केली जाते. येणाऱ्या जुगाऱ्यांना फॅक्षण (गाडी भाडे) देखील दिले जाते. कारण येणारे जुगारी हे लाखो रुपये या जुगार अड्ड्यांवर हारत असतात.  बागडपट्टीत देखील रम्मिचा मोठा धिंगाणा सुरु आहे. मात्र जपनाम बाबांच्या आशीर्वादाने या अवैध धंद्यांना कोणीही रोखू शकत नाही असे एकंदरीत चित्र आहे.