टक्केवारी खाऊन उड्डाणपुलाचे श्रेय घेता, अपघातांना आणि निष्कृष्ठ दर्जाच्या कामांना तुम्ही जबाबदार.- गिरीष जाधवांनी घेतला समाचार

TIMES OF AHMEDNAGAR 

नगरच्या उड्डाणपुलाबाबत आणखी एक अपघात घडला आहे. मात्र हा अपघात उड्डाण पुलावरून नसून उड्डाण पुलाखाली झाला आहे. उड्डाणपूला खालून जाणाऱ्या एका गाडीवर पुलाच्या पिलरचा एक भाग कोसळला आहे. उड्डाणपूलाच्या पिलरचा एक तुकडा रस्त्यावर चालणाऱ्या चारचाकी वाहनावर पडताच मोठा आवाज झाला आणि ही गाडी चालवणाऱ्या पशुवैद्यकीय खात्याच्या अधिकाऱ्याला आपली गाडी बाजूला लावावी लागली.

अचानकपणे पिलरचा तुकडा गाडीवर कोसळला.

त्यांनी बाहेर येऊन पाहिले तर गाडीवर भला मोठा पिलरचा सिमेंटचा भाग कोसळलेला होता त्यांनी ती गाडी तशीच थांबवली आणि विमा प्रतिनिधीला फोन केला. नियमित अपघातांची मालिका देणाऱ्या बहुचर्चित उड्डाण पुलावर पुन्हा एकदा काहीतरी अपघात झाला आहे आणि पूलाचा भाग खाली कोसळला आहे. अशी अफवा नगर मध्ये पसरली होती .बघ्यांची गर्दी त्या ठिकाणी झाली होती.काही राजकीय कार्यकर्ते घटनास्थळी जमा झाले आणि याचे चीत्रीकरण करू नका अशी विनंती पत्रकारांना केली.

उड्डाणपुलाची टक्केवारी खाल्ली. गिरीष जाधवांचा गंभीर आरोप.

पण हा उड्डाण पुल तकलादू आहे . याचे काम निकृष्ट दर्जाचे झाले आहे याची अनेक उदाहरणे या उड्डाणपुलावर झालेल्या अपघातातून पुढे आले आहेत. सुरुवातीच्या काळात झालेल्या अपघातांमध्ये अनेकांचे बळी गेले काही दिवसांपूर्वीच धान्याची पोती घेऊन जाणारा एक ट्रक या उड्डाण पुलावर उलटला होता. उड्डाणपुलावर गाडी उलटण्याच्या घटना वारंवार घडणे हे खूप गंभीर आहे. आम्ही उड्डाणपूल मोठ्या कष्टाने बांधला त्याचे श्रेय आमच्याकडेच आहे अशा वल्गना करणाऱ्यांनी आता काय सांगायचे असा सवाल शिवसेनेचे उपजिल्हाप्रमुख गिरीश जाधव यांनी विचारला आहे.
उड्डाणपुलाची टक्केवारी खाऊन श्रेय लाटत रोज चार्वित चर्वण करणाऱ्या या नेत्यांनी काहीतरी लाज बाळगावी असे शिवसेना उबाठा गटाच्या या नेते गिरीष जाधव म्हणाले. हा अपघात घडला तेव्हा या गाडीत दोनच जण होते गाडीचे नुकसान झाले गाडीची काच फुटली टपावर सिमेंट दगड पडल्याने वरचा भाग चेमटला आहे सुदैवाने यात जीवित हानी झाली नाही पण यापूर्वी या उड्डाणपुलावर आणि उड्डाणपुलाखाली झालेल्या अपघातांमध्ये आठवड्याला एक बळी तरी गेलेला आहे या कामाची चौकशी होऊन उड्डाणपुलाची योग्य डागडुजी करावी आणि निकृष्ट दर्जाचे बांधकाम झालेले असल्यास ते व्यवस्थित करण्यासाठी योग्य ते पावले उचलण्याची गरज असल्याचे जाधव यांनी म्हटले आहे.