चोरट्यांनी नगर जिल्हा परीषद कर्मचार्‍याचे घर फोडून लाखोंचा ऐवज केला लंपास….

TIMES OF AHMEDNAGAR

अहमदनगर – जिल्हा परीषद कर्मचार्‍याचे घर फोडून चोरट्यांनी रोख रक्कम, सोन्या -चांदीच्या दागिन्यांसह दोन लाख ५८ हजारांचा ऐवज लंपास केला आहे. कल्याण रस्त्यावरील गणेशनगर भागात ही घटना घडली आहे. याप्रकरणी कोतवाली पोलीस ठाण्यात घरफोडीचा गुन्हा दाखल झाला आहे. अभिजित अनिलसिंग पवार (वय ४९) यांनी फिर्याद दिली आहे.
अभिजित जिल्हा परीषदेत चालक म्हणून नोकरीला आहे. ते ड्यूटीसाठी नाशिक येथे गेले होते. त्यांची पत्नी व मुले  घराला कुलूप लावून बहिणीकडे मुंबई येथे गेले होते.

स्त्रोत सोशल मिडिया 

दोन लाख ५८ हजारांचा ऐवज चोरीला….

दरम्यान अभिजित दिवटीवरून त्यांच्या घरी आले असता त्यांना घराला कडी लावलेली दिसली होती. त्यांनी घरामध्ये प्रवेश केला असता त्यांना घरातील साहित्य अस्ताव्यस्त पडलेले दिसले. त्यांनी घरातील कपाटात पाहणी केली असता सहा तोळ्याचे सोन्याचे गंठण, ११ ग्रॅमचे सोन्याचे मंगळसूत्र, १२ ग्रॅमचे सोन्याचे कानातील फुले, सहा भाराचे चांदीचे पैजण व आठ हजाराची रोकड असा दोन लाख ५८ हजारांचा ऐवज चोरीला गेल्याचे लक्ष्यात त्यांच्या आले. त्यांनी कोतवाली पोलिसांना घटनेची माहिती देत फिर्याद दाखल केली आहे. पोलीस अधिक तपास करत आहेत.