लैंगिक शोषण प्रकरण पेटले, काही आंदोलकांनी पेट्रोल आणलं हे पेट्रोल ओतून शाळेत आग लावण्याचा प्रयत्न करण्यात आला. अध्यक्षांना अश्रू अनावर !

मी पण……..  हे वाक्य बोलताना शाळेच्या अध्यक्षांचा कंठ दाटून आला.

शाळेच्या अध्यक्षांनी आंदोलकांना शांत होण्याची विनंती केली आहे. त्यांनी म्हटलय की गेल्या आठवड्यात शाळेत जी घटना घडली ती निंदनीय आणि घृणास्पद आहे. आम्ही पोलिसांना जास्तीत जास्त सहकार्य करत आहोत. प्रशासन आणि मुलीच्या पालकांनाही आम्ही सहकार्य करत आहोत. तसेच आमच्या शाळेतील यंत्रणा दुरुस्त आणि सुरक्षित कशा करता येतील, याचा विचार आम्ही करत आहोत. माझी सगळ्यांना विनंती आहे की तुम्ही कुठल्यातरी गोष्टीचा राग या शाळेवर काढू नका. तुम्ही पण याच शाळेत शिकला आहात, मी पण……..  हे वाक्य बोलताना शाळेच्या अध्यक्षांचा कंठ दाटून आला. या नंतर त्यांना बोलता आले नाही आणि त्यांनी डोळ्याला रुमाल लावत तेथून काढता पाय घेतला. शाळेचे अध्यक्ष जय कोतवाल यांनी हात जोडून तोडफोड न करण्याची विनंती केली आहे.

(स्त्रोत.सोशल मिडिया.)

आंदोलकांनी शाळेत तोडफोड आणि नासधूस केली.

दोन मुलींच्या लैंगिक शोषण प्रकरणात आज बदलापूर बंदची हाक देण्यात आली होती. तेव्हापासून नागरिकांचा मोठा जमाव शाळेबाहेर जमला होता. मात्र याठिकाणी असलेल्या पोलिसांच्या एका पथकाने हा जमाव रोखून धरला होता. मात्र काहीवेळापूर्वीच आंदोलकांच्या जमावापैकी काहीजण पोलिसांच्या सुरक्षेचे कडं भेदून आतमध्ये शिरले. या आंदोलकांनी शाळेत तोडफोड आणि नासधूस केली आहे. काही आंदोलकांनी पेट्रोल आणलं होते, हे पेट्रोल ओतून शाळेत आग लावण्याचा प्रयत्न करण्यात आला. मात्र पोलिसांनी हा प्रयत्न हाणून पाडला. या आक्रमक आंदोलकांना पांगवण्यासाठी पोलिसांनी शाळेच्या परिसरात अश्रूधुराच्या नळकांड्या फोडल्या. सध्या शाळेच्या परिसराला पोलीस छावणीचे स्वरुप प्राप्त झाले आहे. या ठिकाणी असलेल्या शाळेच्या आणि बदलापूर स्टेशनच्या परिसरात मोठ्या प्रमाणावर घोषणाबाजी करण्यात येते आहे.