बलात्कार करून हत्या करण्यापूर्वी संजय रॉय एका वेश्यावस्तीकडे गेला होता. तिची छेड काढत तिला नग्न फोटोची विचारणाही केली होती.तपासात मोठे खुलासे.

डॉक्टर त्यांच्या सुरक्षेच्या मुद्द्यावर आक्रमक 

कोलकाता येथील आर. जी.कर मेडिकल महाविद्यालय आणि रुग्णालयात एका महिला डॉक्टरवर बलात्कार करून हत्या करण्यात आली. तिच्या मृतदेहावर अनेक जखमा होत्या. या घटनेचा देशभरातून निषेध केला जात आहे. या घटनेवरुन देशभरातले डॉक्टर हे त्यांच्या सुरक्षेच्या मुद्द्यावर आक्रमक झाले आहेत. या घटनेतले नवे पैलू रोज समोर येत आहेत. आता आरोपी संजय रॉयबाबत तो या डॉक्टरवर बलात्कार करण्याआधी आणि तिची हत्या करण्याआधी तो रेड लाइट एरियात गेला होता अशी माहिती समोर आली आहे. या प्रकरणात पोलिसांनी आता संजय रॉयबाबत ही माहिती दिली आहे.

(संग्रहित दृश्य.)

दोघंही दुसऱ्या एका वेश्यावस्तीकडे गेले.

संजय रॉय आणि त्याचा एक सहकारी सोनागाछी या ठिकाणी गेले होते. ८ ऑगस्टच्या रात्री हे दोघंही सोनागाछी या ठिकाणी गेले होते. सोनागाछी हा कोलकाता येथील रेडलाईट एरिया आहे. यावेळी संजय रॉय प्रचंड प्रमाणात दारु पिला होता. संजय रॉय सोबत आलेला सहकारी वेश्येकडे गेला. संजय त्यावेळी बाहेर उभा होता. त्यानंतर पहाटे २ वाजण्याच्या सुमारास हे दोघंही दुसऱ्या एका वेश्यावस्तीकडे गेले. यावेळी आरोपी संजय रॉयने एका महिलेची छेड काढली आणि तिला नग्न फोटो देणार का ? अशी विचारणा केली. संजय रॉयच्या पार्टनरने एक कमर्शियल बाईक भाडे तत्त्वावर आणली होती. त्यानंतर संजय रॉय हा आर. जी. कर रुग्णालयात परतला. यानंतर त्याने सेमिनार हॉलमध्ये आराम करत असलेल्या डॉक्टरवर बलात्कार केला आणि तिची हत्या केली. पोलिसांनी दिलेल्या माहितीनुसार या घटनेची माहिती समोर येत आहे.

(संग्रहित दृश्य.)

संजयला गुन्हा मान्य ! 

पोलिसांच्या चौकशीत संजय रॉयने गुन्हा मान्य केला आहे. ट्रेनी डॉक्टर सेमिनार हॉलमध्ये झोपली होती तेव्हा तिच्यावर बलात्कार केल्याचं संजय रॉयने मान्य केलं. संजय रॉय हा त्या दिवशी रात्री दोन ते तीनवेळा हॉस्पिटलमध्ये आला होता. एकदा त्याने ऑपरेशन थिएटरचं दारही तोडलं अशीही माहिती पोलिसांनी दिली आहे. इंडिया टुडेने हे वृत्त दिलं आहे.