तुमची लढाई आमच्याशी आहे. तर मग आमच्या घऱातील महिलांवर का आरोप करता ? फडणवीसांविरोधात खटला भरला पाहिजे सुळेंचा हल्लाबोल.

(संग्रहित दृश्य.)

देवेंद्र फडणवीसांविरोधात खटला भरला पाहिजे.

तपास यंत्रणांचा गैरवापर करून पक्ष आणि घर फोडण्याचं पाप अदृष्य शक्ती करते आहे. हे आम्ही गेले दोन वर्ष सांगत आहोत. हे फक्त महाराष्ट्रापूरतं मर्यादित नाही. तर काश्मीर ते कन्याकुमारी पर्यंत हे सुरु आहे. ९५ टक्के ईडी आणि सीबीआयचे छापे हे विरोधी पक्षाच्या नेत्यांवर पडले आहेत. ज्यांच्यावर भारतीय जनता पक्षाने आरोप केलेत. त्यांनाच बरोबर घेऊन सत्ता स्थापन केली. मी संसदेतही यासंदर्भातील आरोप केले आहेत. अशी टीका सुप्रिया सुळे यांनी केली आहे. या पुस्तकात अनेक गोष्टी आहेत. त्या वाचताना मला वाईट वाटलं. यात आमच्या पक्षातील नेत्यांबरोब  महिलांचाही उल्लेख आहे. अदृष्य शक्ती ही फक्त पुरुषांच्याच नाही, तर महिलांच्याही मागे लागते. याचं उदाहरण म्हणजे माझ्या तीन बहीणींच्या घरावर आयकर विभागाचा छापा. एक दिवस नाही तर सलग पाच दिवस ही छापेमारी सुरू होती. त्यावेळी त्यांच्या घरात त्यांची नातवंड होती. घरात वेळेवर दुध येत नव्हतं. बंदुके घेऊन पोलीसं फिरत होती. हे बघून त्यांच्यावर काय परिणाम झाला असेल. याचा विचार अदृष्य शक्तीने केला का ? असेही सुप्रिया सुळे म्हणाल्या. ज्यावेळी आर.आर. पाटील यांच्यावर या सगळ्यांनी मिळून आरोप केले. त्या फाईलवर शेवटची चौकशी कुणी लावली तर ती देवेंद्र फडणवीस यांनी लावली होती. त्यावर त्यांचीच सही होती. मुख्यमंत्री झाल्यावर ज्यांच्या विरोधात ही कारवाई सुरु झाली. त्या अजित पवारांना त्यांनी घरी बोलवून ती फाईल दाखवली होती. हा गुन्हा आहे. त्यामुळे देवेंद्र फडणवीसांविरोधात खटला भरला पाहिजे. त्यांनी राज्यातील जनतेची फसवणूक केली आहे. या सगळ्यांची उत्तरं देवेंद्र फडणवीस यांना द्यावी लागतील. अशा घणाघातही त्यांनी केला आहे. या पुस्तकात सुनेत्रा पवार यांचेही नाव आहे. हे दुर्देव आहे. यात त्यांचा उल्लेख करायची काहीही गरज नव्हती. तुमची लढाई आमच्याशी आहे. तर मग आमच्या घऱातील महिलांवर का आरोप करता ? असही सुळे म्हणाल्या.