बॉलीवूड सुपरस्टार अभिनेता शाहरुख खान धमकी प्रकरणात मोठी अपडेट….

अभिनेता शाहरुख खानला धमकी प्रकरणी आता एक मोठी बातमी समोर येत आहे. मागील आठवड्यात अभिनेता शाहरुख खानला आलेल्या धमकी प्रकरणात रायपुरमधून एका संशयित व्यक्तीला मुंबई पोलिसांनी ताब्यात घेतलं आहे. फैजान खान असं या संशयित व्यक्तीचं नाव आहे. आज सकाळी या व्यक्तीला धमकी प्रकरणी मुंबई पोलिसांनी ताब्यात घेतलं. बॉलीवूड सुपरस्टार शाहरुख खान याला धमकी दिल्या प्रकरणात फैजान खान याला अटक करण्यासाठी ट्रांजिट रिमांड घेण्यासाठी मुंबई पोलीस सकाळी रायपुरमध्ये पोहोचले होते. गेल्या काही दिवसांपासून लॉरेन्स बिश्नोई टोळी कडून सलमान खानला धमक्या येत असतानाच शाहरुख खान ला आलेल्या धमकीमुळे खळबळ उडाली होती. शाहरुखला दिलेल्या धमकी प्रकरणात संशयित असणाऱ्या रायपूरच्या या व्यक्तीला पोलिसांनी ताब्यात घेतल्या असून आज सकाळी ११ वाजता जिल्हा न्यायालयात त्याला ट्रांजिट रिमांडसाठी देण्यात येणार आहे.

(संग्रहित दृश्य.)

दोन दिवसांपासून शाहरुख खानला अनेक धमक्या….

बॉलीवूड सुपरस्टार शाहरुख खान याला धमकी दिल्याच्या संशयावरून ताब्यात घेण्यात आलेल्या फैजान खान याला ट्रांजिट रीमंडसाठी या संशयताला जिल्हा न्यायालयात नेण्यात येणार आहे. त्यानंतर मुंबई पोलीस त्याला लगेच बांद्रा पोलीस ठाण्यात नेतील असं सांगण्यात येतंय. बांद्रा पोलीस ठाण्यात आपला जबाब देण्यासाठी १४ तारखेला फैजान खान याला मुंबईत आणण्यात येणार होतं. परंतु गेल्या दोन दिवसांपासून अभिनेता शाहरुख खानला अनेक धमक्या मिळत असल्याचे लक्षात आल्यानंतर मुंबई पोलीस आयुक्तांना पत्र लिहून सुरक्षेच्या कारणांचा उल्लेख करत ऑनलाइन पद्धतीने आपला जबाब नोंदवण्यात यावा. अशी विनंती फैजान याने केली होती. दरम्यान फैजांच्या जबाबवर  मुंबई पोलीस संतुष्ट नसल्याचे ही सांगण्यात येत आहे. सुपरस्टार अभिनेता सलमान खानला गेल्या वारंवार लॉरेन्स बिश्नोईच्या टोळीकडून धमक्या येत असतानाच आता अभिनेता शाहरुख खानलाही धमकीचा फोन आला आहे. शाहरुख खानला जीवे मारण्याची धमकी मिळाली. शाहरुख खानला अशी धमकी मिळण्याची ही पहिलीच वेळ नाही. याआधीही त्याला अंडरवर्ल्डकडून जीवे मारण्याची धमकी मिळाली होती. त्याच्यावर दबावही टाकण्यात आला, पण किंग खानने कोणतीही भीती न बाळगता त्या कठीण परिस्थितीचा सामना केला होता.