विमान अपघातानंतर बॉलीवूड स्तब्ध ; सलमान खानसह अभिनेत्यांनी उचललं मोठं पाऊल….

अहमदाबादमधील अपघातग्रस्त विमानाचा ब्लॅक बॉक्स सापडला आहे. ब्लॅक बॉक्स मिळाल्यामुळे दुर्घटनेचं कारण समोर येणार आहे. विश्लेषणासाठी ब्लॅक बॉक्स दिल्लीला पाठवण्यात आला आहे. तर दुसरा ब्लॅक बॉक्स अजून सापडलेला नसून त्याचा शोध सुरू आहे. अहमदाबाद विमान अपघातात २६५ जणांचा मृत्यू झाला आहे. या विमानातील २४१ प्रवासी तर विमान ज्या भागात कोसळलं तिथल्या २४ जणांचा मृत्यू झाला आहे. मृतांमध्ये राज्यातील १० जणांचा समावेश आहे. अहमदाबादच्या सरदार वल्लभभाई पटेल विमानतळावरून लंडनकडे उड्डाण केल्यावर अवघ्या  १२ ते १५ सेकंदात हा भीषण अपघात झालाय. या अपघातानंतर संपूर्ण देशात शोककळा पसरली आहे. अहमदाबादमधील विमान दुर्घटनेनंतर संपूर्ण जग हळहळलं आहे. अशातच सिनेविश्वातूनही अनेक प्रतिक्रिया समोर आल्या आहेत. सलमान खाननं आपला शो रद्द केला. तसेच अभिनेता अक्षय कुमार यानंही ‘कन्नप्पा’ या सिनेमाचा ट्रेलर लॉन्च सोहळा रद्द केला आहे. तर जान्हवी कपूर, सोनू सूद, आमिर खाननंही पोस्ट करुन मृतांना श्रद्धांजली वाहिली आहे.