TIMES OF AHMEDNAGAR
पुरुषांना त्यांच्या शरीरातील बदल जाणवल्यानंतर त्यांचा कल महिलांच्या प्रवाहात वाढतो. ते स्वतःला महिला असल्याचे भासवून त्यांचा प्रवास महिलांच्या जीवनाप्रमाणे सुरु करतात. त्यातील काही व्यक्तींना आपण तृतीयपंथी देखील म्हणतो.मात्र आपण कोणत्याही महिलेला पुरुष होतांना पाहिल आहे का ? असा सवाल उपस्थित झाला तर त्यात नवल वाटणार नाही.
महाराष्ट्र पोलिस दलातील महिला शिपाई ललिता साळवे यांनी लिंगाबदल शस्त्रक्रिया केल्यानंतर ललित साळवे झाले होते. ३६ वर्षीय ललित साळवे यांची शस्त्रक्रिया झाल्यानंतर त्यांनी २०२० मध्ये लग्न केले होते.ललित साळवे बौध्द विवाह पद्धतीने विवाहबद्ध झाला. माजलगाव येथे ललित आणि स्वाती ( बदललेले नाव ) यांचा विवाह सोहळा मोठ्या थाटात पार पडला. स्वाती ( बदललेले नाव ) ही बीएच्या तिसऱ्या वर्षाची विद्यार्थिनी आहे. ती औरंगाबादमध्ये शिक्षण घेत आहे. खूप मोठ्या संघर्षानंतर ललितचे सुखी संसाराचे स्वप्न पूर्ण झाले आहे. या सोहळ्याला नातेवाईक मंडळींनी हजेरी लावत नवदांपत्याला भावी आयुष्याच्या शुभेच्छा दिल्या होत्या.
स्त्रोत.सोशल मिडिया.
महिला असलेल्या ललिता साळवे झाले वडील.
१५ जानेवारी रोजी ललित साळवे वडील झाले असल्याची बातमी समोर आली आहे. साळवे दाम्पत्याच्या घरी बाळाचे आगमन झाले असून साळवे दाम्पत्याने या मुलाचे नाव आरुष ठेवण्याचा निर्णय घेतला असल्याची बातमी हिंदुस्तान टाइम्स या संकेतस्थळाने दिली आहे. ललित साळवे यांनी माध्यमांशी बोलताना सांगितले की, माझा महिला ते पुरूष असा प्रवास हा खूपच संघर्षमय होता. या काळात अनेकांनी मला सहकार्य केलं. आम्हाला बाळ व्हावं, ही पत्नी स्वातीची ( बदललेले नाव ) इच्छा होती. आता आम्ही एका गोंडस मुलाचे माता-पिता झालो आहोत, याचा मला आणि आमच्या कुटुंबियांना आनंद होत आहे.
स्त्रोत.सोशल मिडिया.
कोण आहेत ललित साळवे. ?
जून १९८८ साली बीडमध्ये जन्म झालेल्या ललित साळवे यांनी पदवीचे शिक्षण घेतले. २०१० मध्ये महाराष्ट्र पोलीस दलात महिला शिपाई म्हणून रुजू झाले होते. साळवे जन्मत:च मुलगा म्हणून जन्माला आले होते. मात्र त्यांची जननेंद्रिये विकसित न झाल्याने ते स्त्रीप्रमाणे भासत होते. त्यामुळे घरामध्ये मुलगी समजूनच त्यांना वाढविण्यात आले. साळवेंची लहानपणापासून मुलगी म्हणून वाढ झाली असली तरी त्यांच्यामध्ये मुलाचे हार्मोन्स असल्याने वयात आल्यानंतर त्यांना आपण मुलगी नसून मुलगा आहोत, असे वाटत होते.
स्त्रोत.सोशल मिडिया.
पोलीस खात्याकडे केली लिंग शस्त्रक्रिया करण्याची मागणी.
ललित साळवे यांनी पोलीस खात्याकडे लिंगाबदल शस्त्रक्रिया करण्यासाठी परवानगी मागितली होती. आपण महिला नसून पुरुष असल्याचा त्यांच्या या अजब दाव्यामुळे त्यांना सुरुवातीला शस्त्रक्रिया करण्याची परवानगी नाकारण्यात आली होती. त्यामुळे त्यांनी २०१७ पासून न्यायालयीन लढा सुरू केला. अखेर त्यांना या लढ्यात यश आलं आणि शस्त्रक्रियेनंतर ललित साळवे अशी नवी ओळख त्यांना मिळाली. सेंट जॉर्ज रुग्णालयातील प्लास्टिक सर्जन डॉ. रजत कपूर आणि त्यांच्या चमूने टप्प्या टप्प्यानं साळवे यांच्यावर शस्त्रक्रिया केली. सेंट जॉर्ज रुग्णालयामध्ये अशी शस्त्रक्रिया प्रथमच करण्यात आली होती.
स्त्रोत.सोशल मिडिया.
ललिता यांना ललित असल्याचे का वाटले ?
शरीरातील हार्मोन्स बदलामुळे आपण महिला नसून पुरुष असल्याचे त्यांना वाटू लागले. आपण पुरुष आहोत असे वाटू लागल्याने ललिता यांनी लिंगाबदल शस्त्रक्रिया करण्याची परवानगी पोलीस खात्याकडे मागितली. महिला पोलिस कर्मचारी ललिता साळवे हिची लिंगाबदल शस्त्रक्रिया झाल्यानंतर नवी इनिंग सुरू झाली आहे. शस्त्रक्रियेनंतर झाल्यानंतर ललिता साळवे या महिलेचा पुरुष झाले आहेत. शरीरातील हार्मोन्स बदलामुळे लिंगबदल करण्याची परवानगी मागितली होती. पोलिस दलातील क्लिष्ट प्रक्रिया पूर्ण करताना तत्कालीन मुख्यमंत्री देवेंद्र फडणवीस यांनी परवानगी दिली होती. महाराष्ट्र पोलिस दलातील ही पहिलीच घटना होती. लिंगबदल शस्त्रक्रियेची परवानगी मागितल्याने ललिता साळवे हिची राज्यभर चर्चा झाली होती. ललिता साळवे हिनं मोठी प्रशासकीय लढाई लढून ललित म्हणून यश मिळवले आणि विवाहबद्ध होत संसाराचे जोडीदारासोबत पाहिले पाऊल यशस्वीरित्या टाकले आहे. ललित साळवे हा माजलगाव तालुक्यातील राजेगांव येथे गुण्यागोविंदाने संसार करणार आहे. या अगोदर पहिल्यांदा ललिताचा ललित असा कागदोपत्री देखील बदल करण्यात आला असून ललित संपूर्णपणे तंदरूस्त असल्याचा अहवाल वैद्यकीय खात्याने दिला होता. तब्बल एक वर्षानंतर रविवारी ललित साळवे याने नव्या आयुष्याची सुरुवात केली आहे.
