दहावीत शिकणाऱ्या मुलीने प्रियकराच्या सांगण्यावरून जन्मदात्या पित्याची आणि लहान भावाची निर्घुणपणे हत्त्या केली आणि चक्क फ्रीझर मध्ये ठेवले मृतदेहाचे तुकडे.

सप्टेंबर २०२३ मध्ये आरोपी मुलगी मुकूल सिंहबरोबर पळाली होती. ज्यामुळे मुकूलला पोक्सो कायद्याखाली अटक करण्यात आले होते. मुकूल जामिनावर बाहेर आल्यानंतर दोघांनीही मुलीच्या वडिलांना संपविण्याचा  कट रचला होता. वडिल आणि भावाचा खून केल्यानंतर आरोपी मुलगी आणि मुकूल हे तीन महिन्यांपासून पोलिसांना गुंगारा देत फिरत होते. अखेर मुलीला हरिद्वारमधून अटक करण्यात आली आहे, तर मुकूल अजूनही फरार आहे. हरिद्वारचे पोलीस अधीक्षक प्रमींद्र डोबल यांनी  सांगितले की, स्थानिकांनी सदर मुलीला संशयास्पदरित्या फिरताना पाहिल्यानंतर आम्हाला माहिती दिली त्यानंतर तिला ताब्यात घेण्यात आले आहे. तिची चौकशी केली असता तिने केलेला गुन्हा मान्य केला आणि तिची सर्व माहिती दिली आहे. यानंतर मुलीला जबलपूर पोलिसांच्या स्वाधीन करण्यात आले आहे. तसेच आरोपी मुकूलचाही शोध आम्ही सुरू ठेवला आहे.

स्त्रोत सोशल मिडिया

गुन्ह्याचा पुरावा मागे राहू नये म्हणून चिमुरड्याचाही खून…

आरोपी मुलीने आपल्या जबाबात सांगितले की, मुकूलच्या सांगण्यावरून तिने वडील राजकुमार विश्वकर्मा यांना मारण्याचा कट रचला होता. मात्र वडिलांचा खून करत असताना तिचा लहान भाऊ तनिष्क झोपेतून उठला होता. त्यामुळे त्यांनी या गुन्ह्याचा पुरावा मागे राहू नये म्हणून त्याचाही निर्घृणपणे खून केला आहे. हरिद्वार पोलिसांनी सांगितले की, सदर मुलगी आणि मुकूल हे जबलपूरमध्ये एकमेकांच्या शेजारी राहत होते. मुकूलचे वडीलही रेल्वेतच नोकरीला आहेत. गुन्हा केल्यानंतर दोघेही वेगवेगळ्या शहरांमध्ये भटकत होते. गोवा , बंगळुरू, मुंबई , उत्तर प्रदेश आणि हरिद्वारला पोहोचण्यापूर्वी पंजाब अशा राज्यात त्यांनी प्रवास केला होता. हरिद्वारमध्ये आल्यानंतर मुकूलने मुलीला एकटे सोडून पळ काढला आहे.