ती प्रियकरासोबत मुलाला परीक्षेला सोडायला गेली, अचानक पतीने तिला पाहिल आणि थेट गोळीबार करत तिचा केला खून.

TIMES OF NAGAR 

HUSBAND KILLED WIFE IN UTTAR PRADESH : उत्तर प्रदेशात धक्कादायक घटना घडली आहे. मेरठमध्ये आपल्या १६ वर्षांच्या मुलाची परीक्षा केंद्राबाहेर वाट पाहणाऱ्या एका ३४ वर्षीय महिलेवर गोळीबार करण्यात आला. या गोळीबारात महिलेचा जागीच मृत्यू झाला आहे. तर या घटनेत महिलेचा प्रियकर गंभीर जखमी झाला आहे. सोमवार (दि.२४) सकाळी बुलंदशहर येथे हा प्रकार घडला आहे. ती तिच्या प्रियकराबरोबर परीक्षा केंद्राबाहेर थांबली होती यावेळी हि घटना घडली असल्याचे पोलिसांनी सांगितलं. महिला आणि तिचा प्रियकर सरजित सिंग महिलेच्या १६ वर्षीय मुलाला दहावीच्या परीक्षेसाठी शाळेत सोडायला गेले होते. तिथेच या महिलेचा पती आणि पतीचा भाऊ आला. त्यांनी केंद्राबाहेरच गोळीबार सुरु केला. या घटनेमुळे आजूबाजूच्या लोकांनी पळापळ करत स्वतःचा जीव वाचवला. तर महिलेचा पती आणि पतीचा भाऊ तिथून पळून गेले. हल्ल्यानंतर महिलेला जिल्हा रुग्णालयात दाखल करण्यात आलं. महिलेच्या डोक्यात गोळी शिरली त्यामुळे उपचारांदरम्यान तिचा मृत्यू झाला. तर सरजित याला दुसऱ्या रुग्णालयात दाखल करण्यात आलं असून त्याची प्रकृती नाजूक असल्याची माहिती पोलिसांनी दिली आहे. याप्रकरणी पती नरेश सिंग (४०) याच्याविरोधात खुनाचा गुन्हा दाखल करण्यात आला आहे. त्याच्या मुलानेच पोलिसांत तक्रार दाखल केली. नरेश सध्या फरार असून पोलिसांच्या पथकाकडून त्याचा शोध घेतला जात आहे.

(संग्रहित दृश्य.)