पत्नी घटस्फोट घेत असल्याच्या रागाने भर रस्त्यात पत्नीच्या अंगावर पेट्रोल टाकून पतीने पत्नीला लाईटरणे जिवंत जाळले,मात्र…….

ठाणे : पतीच्या त्रासाला कंटाळून पत्नी घटस्फोट घेत असल्याने विक्रम भोईर (३५) याने भर रस्त्यात पत्नीच्या अंगावर पेट्रोल टाकून तिला जिवंत जाळल्याचा धक्कादायक प्रकार समोर आला आहे. परिसरातील एका पाण्याच्या डबक्यात महिलेने उडी घेतल्याने या घटनेत तिचा जीव बचावला आहे. परंतु ती अंदाजे ५० टक्के भाजली असल्याचे समजते. तिच्यावर खासगी रुग्णालयात उपचार सुरू असून तिच्या जबाबानंतर याप्रकरणी विक्रम भोईर याच्या विरोधात चितळसर पोलीस ठाण्यात गुन्हा दाखल करण्यात आला आहे. जखमी महिला ३० वर्षीय असून २०१७ मध्ये तिचा विक्रम भोईर याच्यासोबत विवाह झाला होता. विक्रम हा मुंबईतील विक्रोळी भागात राहत असून तो रिक्षा चालक आहे. विक्रम हा तिच्यावर विनाकारण संशय घेत असल्याने मागील दोन वर्षांपासून ती तिच्या माहेरी ( चितळसर मानपाडा)  येथील निळकंठ वुड्स परिसरातील एका चाळीमध्ये राहत होती. तिने पतीविरोधात ठाणे न्यायालयात घटस्फोटासाठी धाव घेतली होती. परंतु विक्रम हा प्रकरणाच्या तारखांना हजर राहत नव्हता. तसेच तिला सोबत राहण्यासाठी सांगत होता. परंतु विक्रम याच्यासोबत राहण्यास महिलेचा विरोध होता.

(संग्रहित दृश्य.)