तीन मुलांच्या आईला घेऊन दहावीचा विद्यार्थी फरार ; ३८ वर्षीय महिलेच्या प्रेमात पडला १६ वर्षीय विद्यार्थी, थेट मध्यप्रदेशात थाटला संसार……..

TIMES OF NAGAR 

नागपूर : नुकताच दहावी पास झालेला मुलगा ताजबागमध्ये दर्शनासाठी गेला होता. तेथे तीन मुलांसोबत आलेल्या ३८ वर्षीय महिलेशी त्याची ओळख झाली. संबंधित महिलेचा मोबाईल क्रमांक घेऊन दोघेही संपर्कात आले आणि एकमेकांच्या प्रेमात पडले. दोघेही आपापले वय विसरुन मध्यप्रदेशात पलायन करुन संसार थाटत होते. मात्र गुन्हे शाखेने (एएचटीयू) दोघांनाही ताब्यात घेतले आहे. अल्पवयीन मुलाला पालकांच्या ताब्यात दिले तर महिलेला तिच्या पतीच्या ताब्यात देण्यात आले असून तिच्यावर कारवाई करण्यात येणार असल्याचे समजते. एखाद्या चित्रपटाला पटकथा शोभेल अशी घटना वाठोडा पोलीस ठाण्याच्या हद्दीत घडली. नंदनवन परिसरात ३८ वर्षीय पूजा (बदललेले नाव) ही पती व तीन मुलांसह राहते. ती गृहिणी असून तिचे पती व्यसन करतात त्या व्यसनाला ती कंटाळली होती. ती नेहमी मुलांना घेऊन ताजबागला दर्शनाला जाते.तो मुलगा विक्रम (बदललेले नाव) हा वाठोडा परिसरात आईवडिल व बहिणीसह राहतो. तो नुकताच दहावी उत्तीर्ण झाला आहे. तो ताजबागमध्ये दर्शनासाठी गेला असता त्याची भेट पूजाशी झाली. दोघांंनी एकमेकांचे मोबाईल क्रमांक घेतले आणि निघून गेले. दोघांचा संपर्क वाढला आणि त्यांच्यात मैत्री झाली. पुन्हा ताजबागमध्ये भेट झाल्यानंतर प्रियाने विक्रमला घरापर्यंत दुचाकीने सोडायला  सांगितले. घरी गेल्यानंतर पूजाने दारुड्या पतीबाबत सांगितले. मला तू खूप आवडतो आणि मी तुझ्यावर प्रेम करते असे बोलून पूजाने विक्रमला प्रेमाच्या जाळ्यात ओढले. पती कामावर निघून गेल्यानंतर तो घरी यायला लागला. दोघांचे प्रेमसंबंध वाढले आणि पूजाने त्याला पळून जाऊन लग्न करण्यास प्रोत्साहन दिले. पूजाच्या प्रेमात वेडा झालेल्या विक्रमने होकार दिला. पूजाला तीन मुले आहेत तिने पतीला सोडून डिसेंबर २०२४ मध्ये विक्रमसोबत पलायने केले. आणि दोघे थेट मध्यप्रदेशातील बालाघाटला गेले.

(संग्रहित दृश्य.)