गुवाहाटीच्या हॉटेलमध्ये तेव्हा थांबलेल्या एअर होस्टेसचा विनयभंग व त्यांच्यावर लैंगिक अत्याचार करण्याचा प्रयत्न… – असीम सरोदे

एअर होस्टेसवर लैंगिक अत्याचार करण्याचा प्रयत्न कुणी केला ?

असीम सरोदेंनी आपल्या भाषणात गुवाहाटीच्या हॉटेलमध्ये तेव्हा थांबलेल्या एअर होस्टेसचा विनयभंग व त्यांच्यावर लैंगिक अत्याचार करण्याचा प्रयत्न झाल्याचा गंभीर आरोप केला आहे. यासंदर्भात त्यांनी कोणत्याही आमदाराचं नाव घेतलेलं नसलं, तरी त्यांनी त्यावेळी त्या हॉटेलमध्ये थांबलेल्या शिंदे गटातील बंडखोर आमदारांचा यावेळी भाषण करताना उल्लेख केला आहे. गुवाहाटीत ज्या हॉटेलमध्ये हे सगळे थांबले होते तिथे इतर ग्राहकांना परवानगी नव्हती. पण स्पाईसजेट आणि इंडिगो या दोन विमान कंपन्यांनी त्यांच्यासाठी काही खोल्या तिथे बुक केल्या होत्या. त्या हॉटेलशी त्यांचं वर्षाचं कंत्राट होतं. तिथे वरच्या मजल्यावर काही एअर होस्टेस राहात होत्या. त्यांचा विनयभंग करण्याचा प्रयत्न केला गेला. एअर होस्टेसवर लैंगिक अत्याचार करण्याचा प्रयत्न कुणी केला ? हे महाराष्ट्रानं शोधलं पाहिजे. दारूच्या नशेत हे नेते झिंगत होते. हा पैशाचा खेळ आता महाराष्ट्रात चालू द्यायचा नाही,असं असीम सरोदे उपस्थित लोकांना उद्देशून म्हणाले.

स्त्रोत.सोशल मिडिया.

आम्ही त्या आरोपांना कवडीचीही किंमत देत नाही…

या आरोपांना प्रत्युत्तर देताना शिंदे गटाचे आमदार संजय शिरसाट यांनी असीम सरोदेंवरच आरोप केले आहेत. या पोपटांना काही ठिकाणी जागा मिळाली नाही. दोन आमदारांना मारहाण केली म्हणाले. एवढे सगळे आमदार सोबत होते. त्यांना जाऊन विचारा ना की कुणाला मारहाण झाली. आरोप केल्याशिवाय यांचं वजन वाढत नाही असा त्यांचा समज आहे. एका एअर होस्टेसचा विनयभंग केला म्हणाले. तुला कुठे स्वप्न पडलं ? सगळे पोलीस, सुरक्षा व्यवस्था, माध्यमं तिथे असताना असं कसं होईल ? दीड वर्षांनंतर याला जाग आली  का ? अशा बेछूट आरोप करणाऱ्यांकडे लक्षच देऊ नये. गटाचे नेते खूश होतील या भावनेतून यांनी हे आरोप केले आहेत. आम्ही त्या आरोपांना कवडीचीही किंमत देत नाही असं संजय शिरसाट म्हणाले.