ऐश्वर्या रायचा बलात्कार करायला मिळालं असतं , अभिनेत्याने इच्छा व्यक्त केली.
एका अभिनेत्याचा व्हिडीओ सोशल मीडियावर समोर आला आहे. ज्यामध्ये तो ऐश्वर्याबद्दल बोलताना दिसतोय.
सोशल मीडियावर अभिनेता-राजकारणी राधा रवी यांचा एक व्हिडीओ व्हायरल झाला होता. यामध्ये ते अभिनेत्री ऐश्वर्या रायबद्दल खालच्या पातळीवर वक्तव्य करताना दिसत आहेत.राधा रवी यांचा हा व्हिडीओ गायिका चिन्मयी श्रीपदाने सोशल मीडियावर पोस्ट केला आहे. हा व्हिडीओ पोस्ट करत तिने त्यांच्यावरही कारवाई का झाली नाही ? असा सवाल केला आहे. या व्हिडीओत राधा रवी हे तमिळमध्ये बोलतांना दिसत आहे. चिन्मयीने व्हिडीओच्या कॅप्शनमध्ये त्याचं भाषांतर इंग्रजीत केलं आहे. 
मी एकदा म्हटलं होतं की जर मला हिंदी बोलता आलं असतं तर मला ऐश्वर्या रायचा बलात्कार करायला मिळाला असता. मला असं म्हणायचं होतं की मला तिच्यासोबत बॉलिवूडमध्ये काम करायला मिळालं असतं. मला तमिळमध्ये या पापी लोकांसोबत काम का करावं लागलं असतं असं अभिनेता-राजकारणी राधा रवी म्हणाले.
आश्चर्याची बाब म्हणजे राधा रवी यांच्या या वक्तव्यावर उपस्थित प्रेक्षक जोरजोरात हसत होते. या व्यक्तीने ऐश्वर्या रायबद्दल इतकी वाईट टिप्पणी केली. मला हे जाणून घ्यायचं आहे की कोणालाच त्या व्यक्तीविरोधात कारवाई कराविशी वाटली नाही का ? असा सवाल चिन्मयीने हा व्हिडीओ पोस्ट करत केला आहे. काहींनी असंही म्हटलंय की चिन्मयीने अर्धवट भाषांतर केलं आहे. राधा रवी चित्रपटांमधील नकारात्मक भूमिकांबद्दल बोलत होते, असं एकाने लिहिलं आहे. तर राधा रवी हे त्यांना मिळणाऱ्या भूमिकांबद्दल बोलत आहेत. त्यांना तमिळ भाषा येते म्हणून त्यांना तमिळ अभिनेत्रींच्या बलात्कारांच्या भूमिका मिळतात. जर हिंदी आली असती तर ऐश्वर्या रायसोबतचे सीन्स मिळते असं दुसऱ्याने म्हटलं आहे.
‘लियो‘ या चित्रपटात खलनायकी भूमिका बजावणारे अभिनेते मंसूर अली खानने अभिनेत्री तृषा कृष्णनबद्दल केलेल्या आक्षेपार्ह वक्तव्याबद्दल चांगलेच अडचणीत सापडले होते.
अभिनेत्री तृषा कृष्णनविरोधात आक्षेपार्ह टिप्पणी केल्याने अभिनेता मंसूर अली खानविरोधात एफआयआर दाखल करण्यात आली आहे. मंसूर यांनी एका चित्रपटातील बेडरुम सीनवरून तृषाबद्दल आक्षेपार्ह टिप्पणी केली होती. जेव्हा मला समजलं की तृषासोबत मला एक सीन शूट करायचा आहे, तेव्हा मी विचार केला की एखादा बेडरुम सीन असेल. मी तिला बेडरुममध्ये घेऊन जाईन, जे मी आधीही अनेक अभिनेत्रींसोबत केलं आहे. मी याआधीही बलात्काराचे अनेक सीन्स शूट केले आहेत. यामध्ये नवीन असं काहीच नाही. मात्र काश्मीरमध्ये शूटिंग सुरू असताना मला तृषाला पहायलासुद्धा दिलं गेलं नाही असं तो म्हणाला होता. त्याच्या या वक्तव्यानंतर सोशल मीडियावर तीव्र संताप व्यक्त करण्यात आला. तृषानेही त्यावर प्रतिक्रिया देत मंसूरसोबत कधीच काम करणार नसल्याची भूमिका घेतली. अशी माहिती सूत्रांच्या व सोशल मिडीयाच्या माध्यामातून प्राप्त झाली आहे.
