“हे एन्काउंटर असू शकत नाही”,चार पोलिसांना तो आवरता आला नाही का ? आरोपीने ३ गोळ्या झाडल्या तर बाकी दोन कुठे ? न्यायालयाचे सवाल !

एक गोळी पोलिसाला लागली. मग इतर दोन गोळ्या कुठे आहेत ?

पोलीस वाहनातून आरोपीला घेऊन जात असताना चार पोलीस अधिकाऱ्यांची गरज काय होती ? यासाठी अतिरिक्त माणसांचा वापर झाला असं वाटत नाही का ? असा सवाल उच्च न्यायालयाने विचारला. तसंच त्याने हातातून पिस्तुल खेचून घेतली तेव्हा चार पोलीस अधिकाऱ्यांनी त्याला रोखायला हवं होतं. चार पोलिसांना तो आवरता आला नाही का ? असाही प्रश्न न्यायालयाने विचारला आहे. अक्षयने तीन गोळ्या झाडल्या असं तुम्ही म्हणालात. एक गोळी पोलिसाला लागली. मग इतर दोन गोळ्या कुठे आहेत ? आपण स्वसंरक्षणाकरता असा परिस्थिती पायावर किंवा हातावर गोळी मारतो. गोळी कुठे मारावी याचं प्रशिक्षण पोलिसांना दिलं जातं. अशाही प्रश्नांची सरबत्ती केली. त्यावर सरकारी वकिलांनी सांगितलं की, पोलिसांनी विचार केला नाही, त्यांनी घटनेवर तत्काळ प्रतिक्रिया दिली.

(संग्रहित दृश्य.)

झटापटीत पिस्तुल लोड झाली होती.

अक्षय शिंदे याने जेव्हा हातात पिस्तुल घेऊन कोणावर रोखली तेव्हा इतर अधिकाऱ्यांनी त्याला रोखलं का नाही. तो फार स्ट्राँग माणूस नव्हता. त्यामुळे हे स्वीकारणं कठीण आहे. हे एन्काऊंटर असू शकत नाही, असंही न्यायमूर्ती म्हणाले.अक्षय शिंदेने यापूर्वी कधी शस्त्र वापरली आहेत का ? जर त्याने पिस्तुल लोड केली असं तुम्ही म्हणत असाल तर त्याने याआधी शस्त्र वापरली असतील, असंही न्यायमूर्तींनी विचारलं. त्यावर सरकारी वकील म्हणाले, त्याने पिस्तुल लोड केली नाही. झटापटीत पिस्तुल लोड झाली होती. त्याने याआधी कधीही शस्त्रे वापरली नाहीत.