स्त्रोत सोशल मिडिया
TIMES OF AHMEDNAGAR
हॉटेलमध्ये घुसून टोळक्याची आंतरधर्मीय जोडप्याला मारहाण केल्या प्रकरणी सहा आरोपीपैकी दोघांना अटक
स्त्रोत. सोशल मिडिया
एका हॉटेलमध्ये आंतरधर्मीय जोडप्यावर सहा जणांच्या टोळक्याने हल्ला केला. या हल्ल्यानंतर पोलिसांनी बुधवारी दोन आरोपींना ताब्यात घेतले असून इतर चार जणांचा शोध सूरू आहे. आफताब मकबूल अहमद चंदनकट्टी (२४) आणि मदरसाब महमद इसाक (२३) या आरोपींना पोलिसांनी अटक केली. हे दोघे कोणत्याही संघटनेचे पदाधिकारी नाहीत. यापूर्वीही त्यांनी अशाप्रकारचा गुन्हा केल्याचे उघडकीस आले.हावेरी जिल्ह्याचे पोलिस अधिक्षक अंशूर कुमार म्हणाले की, पोलिसांकडून आणखी तपास सुरू आहे. टोळक्याने हल्ला केल्यानंतर याची चित्रफित काढली होती जी आता व्हायरल झाली आहे. या चित्रफितीवरून इतर चार आरोपींचा शोध सुरू आहे. लवकरच त्यांना बेड्या ठोकल्या जातील.कर्नाटकच्या हावेरी जिल्ह्या हि घटना घडली आली आहे.
२६ वर्षीय विवाहित मुस्लीम धर्मीय महिलेचे एका हिंदू धर्मीय व्यक्तीसह संबंध आहेत. दोघांचीही या नात्याला संमती आहे. हे दोघेही ७ जानेवारी रोजी जिल्ह्यातील हंगल शहरात एका हॉटेलमध्ये राहण्यास आले होते. तिथेच त्यांच्यावर हल्ला झाला. दरम्यान सदर महिला आणि तिच्या पतीने दावा केला आहे की, आरोपींनी महिलेला निर्जनस्थळी नेऊन तिच्यावर सामूहिक बलात्कार केला. या दाव्याचाही आम्ही तपास करत असल्याची प्रतिक्रिया पोलिसांनी दिली. सध्या पोलिसांनी भारतीय दंड संहिता कलम ३५४ , ५०६ ,१४३,१४७,१४९,४४८ आणि कलम ३२३ अशा कलमाअंतर्गत गुन्हा दाखल केला आहे.
