पुण्याच्या भाजपच्या खासदारकीच्या यादीतील त्या नेत्याबद्दल प्रवीण तरडे म्हणाले कि ….

मुरलीधर मोहोळ यांना उमेदवारी जाहीर.

लोकसभा निवडणुकीसाठी मुरलीधर मोहोळ यांना उमेदवारी मिळेल, अशी पहिल्यापासूनच चर्चा होती. मात्र राष्ट्रीय स्वयंसेवक संघाचे माजी राष्ट्रीय प्रचारक सुनील देवधर आणि माजी आमदार माजी शहराध्यक्ष जगदीश मुळीक यांचे नावेदेखील चर्चेत आली होती. त्याचबरोबर माजी खासदार संजय काकडे यांनी देखील पुण्यातून उमेदवारी मिळावी यासाठी मोर्चेबांधणी सुरू केली होती. परंतु उपमुख्यमंत्री देवेंद्र फडणवीस, मंत्री चंद्रकांत पाटील यांचे निकटवर्तीय अशी मोहोळ यांची पक्षात ओळख आहे. अन्य पक्षातील नेत्यांबरोबरही त्यांचे मैत्रीपूर्ण संबंध आहेत. त्यामुळे मोहोळ यांनाच उमेदवारी मिळेल असा अंदाज व्यक्त केला जात होता. त्यानुसार बुधवारी मोहोळ यांच्या नावाची घोषणा करण्यात आली आहे. पक्षाकडून अधिकृतरित्या उमेदवारी जाहीर झाल्यावर मुरलीधर मोहोळ यांनी आनंद व्यक्त केला.

अभिनेते प्रवीण तरडे यांच्याकडून देखील सुभेच्छा.

मुरलीधर मोहोळ यांना निवडणुकीसाठी शुभेच्छा दिल्या जात आहेत. अशातच मुरलीधर मोहोळ यांचे मित्र आणि मराठी चित्रपट दिग्दर्शक तथा अभिनेते प्रवीण तरडे यांनीदेखील मोहोळ यांना शुभेच्छा दिल्या आहेत. प्रवीण तरडे यांनी फेसबूकवर एक पोस्ट लिहिली आहे. यामध्ये त्यानी म्हटलं आहे की मित्रवर्य मुरलीधर खूप शुभेच्छा. सांस्कृतिक पुण्याला सुसंस्कृत खासदार मिळावा ही प्रत्येक पुणेकराची ईच्छा पूर्ण होण्याच्या दृष्टीने आज पहिलं पाऊल पडलं. मुरलीधर मोहोळ प्रत्येक पुणेकराची पहीली पसंती असेल यात शंका नाही. कारण पुण्याचा महापौर असताना आमच्या या मित्रानं कोरोना काळात कुटुंब जपावं तसं अख्खं पुणे शहर जपलं. त्यामुळे आता देशासाठी महत्वाच्या असलेल्या या निवडणुकीत पुणेकर त्याला विक्रमी मताधिक्क्याने मोदींचा शिलेदार म्हणून दिल्लीला पाठवतील. रांगड्या मातीतला हा देखणा मुरलीधर त्याच्या आक्रमक कामाबरोबरच लाघवी स्वभावासाठीसुध्दा प्रसिद्ध आहे. त्याचं वय पहाता पुढची २५ वर्षे पुण्याला खंबीर नेतृत्वाचा हंबीर सरसेनापती मिळाला असच वाटतंय.