भाजपा रडीचा डाव खेळत आहे, तुतारी-पिपाणीवरुन सुप्रिया सुळेंची सत्ताधाऱ्यांवर टीका.

(संग्रहित दृश्य.)

अनेक मतदारांनी पिपाणीला तुतारी समजून…

तुतारी आणि पिपाणी चिन्हांच्या गोधळांवर पत्रकारांशी बोलताना बारामतीच्या खासदार सुप्रिया सुळे म्हणाल्या, भाजपा रडीचा डाव खेळत आहे, याचे मला आश्चर्य वाटत नाही. याबद्दल अजित पवारांनी सभेत कबुली दिली आहे. साताऱ्यात भाजपाचा विजय तुतारी आणि पिपाणीतील गोंधळामुळेच भाजपाची जागा निवडून आली. त्यामुळे भारतीय जनता पक्ष रडीचा डाव सारखेच खेळतो हे अजित पवारांच्या विधानातूनच समोर आले आहे. यंदाच्या विधानसभा निवडणुकीसाठी २० नोव्हेंबरला सर्व २८८ जागांसाठी एकाच टप्प्यात मतदान होणार आहे. यामध्ये प्रमुख पक्षांसह अनेक अपक्ष उमेदवारही मैदानात उतरले आहेत. दरम्यान यावेळीही मतदान यंत्रावर १६३ ठिकाणी अपक्ष उमेदवारांना पिपाणी हे चिन्ह देण्यात आले आहे. लोकसभा निवडणुकीत महाविकास आघाडीकडून शरद पवार यांच्या राष्ट्रवादीचे शशिकांत शिंदे तर भाजपाकडून उदयनराजे भोसले मैदानात होते. शशिकांत शिंदे तुतारीवर तर उदयनराजे कमळ चिन्हावर निवडणूक लढवत होते. अशात अपक्ष उमेदवार संजय गाडे यांना पिपाणी चिन्ह मिळाले होते. पिपाणी या चिन्हावर गाडे यांनी ३७ हजारांहून अधिक मते मिळाली होती. त्यानंतर शरद पवार यांच्या राष्ट्रवादीकडून दावा करण्यात आला होता. अनेक मतदारांनी पिपाणीला तुतारी समजून मतदान केल्याने शशिकांत शिंदे यांचा पराभल झाला होता. नुकतेच महायुतीत असलेले उपमुख्यमंत्री अजित पवार यांनीही पिपाणीमुळे साताऱ्यात महायुती जिंकली असे विधान केले होते. त्यानंतर अजित पवार यांच्या या विधानाची राज्यभरात चर्चा झाली होती.