बेपत्ता असलेल्या महिलेचे दोन वेगवेगळ्या ट्रेनमध्ये सापडले मृतदेहाचे तुकडे, हत्त्येचे रहस्य धक्कादायक….
TIMES OF AHMEDNAGAR | MADHYA PRADESH | UJJAIN | TWO PIECES OF A WOMAN'S BODY WERE FOUND IN TWO SEPARATE TRAINS | A WOMAN WAS RAPED AND KILLED | THE PHOTO USED IN THIS NEWS IS OBTAINEDTHROUGH SOCIAL MEDIA. WE DO NOT GUARANTEE ANY PHOTO.
दोन वेगळ्या ट्रेनमध्ये एका महिलेच्या मृतदेहाचे दोन तुकडे सापडले होते. ही घटना कशी घडली असेल ? याचा तपास पोलीस करत होते. आता या घटनेचा त्यांनी छडा लावला आहे. आरोपीला शोधून काढणे हे पोलिसांसमोर मोठे आव्हान होते. पण पोलिसांनी या प्रकरणात एका आरोपीला अटक केली आहे. या आरोपीचे नाव कमलेश आहे. त्याने मीराबेन नावाच्या महिलेवर बलात्काराचा प्रयत्न केला होता तिने त्याला प्रतिक्रार केला, म्हणून त्याने तिची हत्या केली आहे. मध्य प्रदेशातल्या उज्जैनहून निघालेल्या दोन ट्रेन्समध्ये महिलेच्या मृतदेहाचे दोन तुकडे आढळले होते. ज्यानंतर हा नेमका प्रकार तरी काय ? याचा विचार करुन पोलीसही चक्रावून गेले होते. रतलाममध्ये राहणारी मीराबेन नावाची महिला ६ जूनपासून गायब झाली होती. तिचा छडा लावताना या दोन्ही प्रकारांतली महिला एकच आहे हे स्पष्ट झाले आहे.
स्त्रोत सोशल मिडिया
अत्त्याचार करण्याचा प्रयत्न करत महिलेचा खून….
पोलिसांनी दिलेल्या माहितीनुसार मीराबेन नावाच्या महिलेचे तिच्या नवऱ्याशी भांडण झाले होते. ज्यानंतर ६ जूनला तिने घर सोडले होते. उज्जैन रेल्वे स्टेशनच्या प्लॅटफॉर्मवर मीराबेन आली तेव्हा त्यावेळी तिची ओळख कमलेश नावाच्या एका व्यक्तीशी झाली होती. मीराबेन एकटी आहे हे पाहून कमलेशने तिला सहानुभूती दाखवली, तिची चौकशी केली. मीराबेनला वाटले होते की कमलेश हा चांगला माणूस आहे. त्याने मीराबेनला सांगितले की तुम्ही माझ्या घरी चला आणि आराम करा. मीराबेनने कमलेशवर विश्वास ठेवला आणि ती त्याच्या घरी गेली. कमलेशने जेवणात गुंगीच्या गोळ्या मिसळल्या होत्या. त्यामुळे मीराबेनची शुद्ध हरपत होती. त्या अवस्थेत कमलेशने तिच्यावर बलात्काराचा प्रयत्न केला. मात्र मीराबेन बेशुद्ध झाली नव्हती त्यामुळे तिला काय घडते आहे ते लक्षात आले होते. तिने प्रतिकार करायला सुरुवात केली होती. कमलेशला त्या गोष्टीचा राग आला. ज्यानंतर कमलेशने धारदार शस्त्राने तिच्यावर वार केले. यात मीराबेनचा मृत्यू झाला आहे.
स्त्रोत सोशल मिडिया
मोबाइल नंबर ट्रॅक करुन पोलिसांनी आरोपीला पकडले.
मीराबेनच्या मृत्यूनंतर कमलेशने तिच्या मृतदेहाची विल्हेवाट लावायचे ठरवले. त्याने या मृतदेहाचे तुकडे केले आणि दोन बॅगांमध्ये भरले. बॅगा घेऊन तो उज्जैन रेल्वे स्टेशनवर आला. त्याने एक बॅग इंदूरला जाणाऱ्या ट्रेनमध्ये तर दुसरी बॅग ऋषिकेशला जाणाऱ्या योग नगरी एक्स्प्रेसमध्ये ठेवली होती. त्यानंतर तो त्याच्या घरी गेला. कमलेशने सफाईदारपणे ही हत्या केली होती. मात्र घरी आल्यानंतर त्याने मीराबेनच्या मोबाइलमध्ये आपल्या फोनचे सीम कार्ड टाकले. या एका चुकीमुळे तो पकडला गेला. मोबाइल नंबर ट्रॅक करुन पोलिसांनी कमलेशला रतलाममधून अटक केली आहे. मीराबेनच्या हत्येचा खुलासा आरोपीने त्याच्या पत्नीसमोर केला आहे. रतलामचे पोलीस सध्या या महिलेचीही चौकशी करत आहेत.