शहरातील खून अन् अवैध धंद्यांचे कलेक्शन, अवैध धंद्यांचे रविराज कनेक्शन.

TIMES OF AHMEDNAGAR

अहमदनगर जिल्ह्यासह  नगर शहराची देखील वाटचाल गुन्हेगारीकडे वेगाने वाहत आहे. मंगळवार  (दि.१५ जानेवारी ) मकरसंक्रांत होती. मकरसंक्रांती सणाच्या दिवशी एमआयडीसी येथे भावाला शिवीगाळ केल्याचा राग मनात धरून एका युवकाने दुसऱ्या युवकावर हल्ला केला होता.एमआयडीसी येथील दूध डेअरी चौकात मंगळवार  (दि.१५ जानेवारी ) सायं.झालेल्या या चाकू हल्ल्यात शुभम अशोक सोनावणे या तरुणाचा बळी गेला. ती घटना चर्चेतून वगळली जात नाही तोच दुसऱ्या दिवशी एका अल्पवयीन मुलीच्या पाठीवर वार करून तिला विहिरीत ढकलून देऊन तिचा खून करण्यात आला.नातेवाईकांच्या फिर्यादीवरून एमआयडीसी पोलीस ठाण्यात गुन्हा नोंदवण्यात आला होता. अनेक गुन्हेगारीचे प्रकरणे वारंवार शहरात घडत आहेत. त्या सर्व घटनांचे मूळ उद्धेश दहशत करणेच आहे असे समजते.

स्त्रोत.सोशल मिडिया./ संग्रहित.

चावला हाफमर्डर अन अवैध धंदे : 

शहरात एका हर्षद चावला नामक वकिलावर प्राणघातक हल्ला झाला.त्या हल्ल्यात वकील चावला जखमी झाले.हल्लेखोरांचे अवैध धंधे आहेत. अवैध धंदे आहेत अवैध धंद्यांची माहिती पोलिसांना दिल्यामुळे आणि पोलिसांनीच माझे नाव हल्लेखोरांना सांगितल्यामुळे माझ्यावर प्राणघातक हल्ला झाल्याचा आरोप चावला यांनी केला होता. आरोपींना पोलीस मदत करत असल्याचा आरोप चावला यांनी पोलीस अधीक्षक यांना दिलेल्या निवेदनात केला होता. काही पोलीस कर्मचाऱ्यांच्या नावाचा उल्लेख असलेले निवेदन कदाचित रद्दीत गेले असावे. ओंकार भागानगरे,अंकुश चत्तर,अनेक तरुणांचा बळी मागील काही महिन्यांमध्ये गेला आहे.मात्र कारवाई शून्य असल्यामुळे पोलिसांच्या कामगिरीवर प्रश्नचिन्ह उपस्थित होत आहे.

स्त्रोत.सोशल मिडिया./ संग्रहित.

अवैध धंदे बंद का होत नाही. ? 

शहरात मोठ्या प्रमाणात अवैध धंद्यांची सर्कस सुरु आहे. या सर्कसमुळे अनेकांचा जीव गेला आहे आणि राहिलेल्यांचा देखील जीव जात आहे. अशी परिस्थिती सध्या शहरात दिसते.या अवैध धंद्यांची माहिती स्थानिक पोलीस यंत्रणा व स्थानिक गुन्हे शाखेला असेल का असा प्रश्न जर आपण उपस्थित केला तर आपणही जोकर असल्याचे सिद्ध होऊ शकते. सर्कस सुरु असते सर्कसमध्ये अनेक पात्र असतात. कलाकार काय युक्ती वापरतात याची कल्पना प्रेक्षकांना नसते मात्र सर्कस मधल्या प्रत्येक पत्राला त्याची कल्पना असते. या सर्कसमध्ये रवीराज, वाघराज,स्वामीराज असे अनेक पात्र असतात.हेच पत्र सर्कस चालवत असतात आणि प्रेक्षकांची दिशा भूल करत असतात.