TIMES OF AHMEDNAGAR
जामखेड : कर्जत जामखेड मतदारसंघात मोठय़ा लोकांचे लक्ष लागले आहे. पण मी पाच वर्षांपासून लोकांमध्ये आहे जनतेचे माझ्यावर प्रेम आहे. आता काही लोक निवडणूका आल्या की लोकांमध्ये जात आहेत. २०१९ ला कर्जत जामखेड मधील जनतेने माझ्यासारख्या कार्यकर्त्याला प्रचंड मतांनी निवडून दिले त्यावेळी ते कॅबिनेट मंत्री होते आता तर ते आमदार आहेत. आता आम्हाला विजय मिळवयाचा नाही तर लिड वाढवयचा आहे. हा माझा ओव्हर कॉन्फिडन्स नाही तर जनतेचे माझ्यावर असलेले प्रेम आहे असा विश्वास आमदार रोहीत पवार यांनी बुधवारी पत्रकारांशी बोलताना व्यक्त केला आहे.
(संग्रहित दृश्य.)
अत्याचाराची घटना हि माणुसकीला काळीमा फासणारी.
आमदार रोहीत पवार यांचा जामखेड तालुक्यातील सतेवाडी येथे बुधवारी जनतेशी संवाद दौरा चालू असताना पत्रकारांशी ते बोलत होते. यावेळी बदलापूर घटनेबाबत बोलताना रोहित पवार म्हणाले कि बदलापूर येथील शाळेतील लहान विद्यार्थीनीवर झालेल्या अत्याचाराची घटना हि माणुसकीला काळीमा फासणारी आहे. सदर घटनेतील आरोपी अक्षय शिंदेला फाशी दिली पाहिजे होती. पण आता ती शिक्षा अप्रत्यक्षपणे दिलीच आहे. याबाबत काही चुकीच्या गोष्टी झाल्या असेल तर तो विषय कोर्टात गेला आहे. या विषयाच्या आणखी खोलात जावे लागेल यामध्ये काही षडयंत्र आहे का ? संस्था चालक व या षडयंत्राचे काय संबध आहे का हा फार मोठा विषय आहे.
राज्य राखीव पोलीस दलाचे प्रशिक्षण केंद्र हे राम शिंदे मंत्री असतांना दुसऱ्या जिल्ह्य़ात गेले होते ते त्यांना थांबवता आले नाही. आमचे सरकार आल्यावर ते केंद्र आम्ही ओढून आणले होते. त्याचे भूमिपूजन केले त्यासाठी मोठा निधी आणला सर्व सुविधा उपलब्ध केल्या.दोन वर्षांपूर्वी आलेल्या सरकारने निधी रेंगाळला त्यामुळे थोडे काम अपूर्ण आहे. त्याचे आज गुरवारी (२६ सप्टेंबर) रोजी त्याचे उद्घाटन माझी गृहमंत्री अनिल देशमुख व माझी मंत्री अनिल परब यांच्या हस्ते होत आहे.
(संग्रहित दृश्य.)
हवा व्हावी म्हणून आमचे प्रवेश नाही होत.
उपमुख्यमंत्री देवेंद्र फडणवीस यांच्या उपस्थितीत जामखेड मधील राष्ट्रवादी नेत्यांच्या झालेल्या प्रवेशा बद्दल बोलताना रोहित पवार म्हणाले, राज्यात बातमी व्हावी म्हणून काही जणांचे प्रवेश उपमुख्यमंत्री देवेंद्र फडणवीस यांच्या उपस्थितीत झाले ते राज्यात बातमी व्हावी म्हणून झाले. फडणवीस हे ज्यावेळी महिलावर अत्याचार होतात, शेतकरी अडचणीत आला, युवा वर्ग अडचणीत आहे. त्यावेळी फडणवीस वेळ देत नाहीत पण प्रवेशाला वेळ देतात यावरून कर्जत जामखेडचे वजन महाराष्ट्रात वाढले आहे. दि. २८ रोजी खर्डा येथे राष्ट्रवादी काँग्रेसचे अध्यक्ष शरद पवार येत आहे त्यावेळी अनेक जणांचा पक्षप्रवेश होणार आहे. राज्यात बातमी व्हावी म्हणून किंवा हवा व्हावी म्हणून आमचे प्रवेश नाही असा टोला रोहित पवार यांनी प्रा. मधुकर राळेभात व शिवसेना नेत्यांच्या प्रवेशावर केला आहे.
