“दादा उशिरा आले असते तर हिमालयात जप करायला जावे लागले असते” मिटकरींचे शिंदे गटाला जोरदार प्रत्युत्तर….

TIMES OF AHMEDNAGAR

अजित पवारांनी सत्तेत सहभागी होण्याचा निर्णय घेतला होता. त्यामुळे आमच्या आमदारांना मंत्रिपदापासून दूर रहावे लागले होते. त्यावेळी शिंदे गटाच्या आमदारांनी जाहीर नाराजी व्यक्त केली होती. अजित पवार थोडे दिवस नसते आले तरीही चालले असते. असे रामदास कदम फडणवीसांना उद्देशून म्हणाले आहेत. तसेच एकनाथ शिंदेंना मुख्यमंत्री केल्याबद्दल त्यांनी आभारही मानले आहेत. मात्र अजित पवार महायुतीत आल्याने महायुतीतली नाराजी त्यांनी अशा पद्धतीने बोलून दाखवली आहे. आता यावर देवेंद्र फडणवीस काही उत्तर देणार का ? हे पाहणे महत्त्वाचे असणार आहे. तसेच दस्तुरखुद्द अजित पवार यावर काय बोलणार ? हे पाहणेही महत्त्वाचे असेल.

स्त्रोत सोशल मिडिया 

अमोल मिटकरींचे जोरदार प्रत्युत्तर….

रामदास कदम यांच्या विधानावर राष्ट्रवादी अजित पवार गटाने प्रत्युत्तर दिले आहे. आमदार अमोल मिटकरी यांनी म्हटले आहे, रामदास कदमजी आपण जोरात बोललात
मागुन आलेले अजित दादा थोडे उशिरा आले असते तर बरे झाले असते, माहितीसाठी सांगतो ते वेळेत आले म्हणून तुमची लंगोट तरी वाचली उशिरा आले असते तर हिमालयात जप करायला जावे लागले असते. दादांची कृपा म्हणून तुम्ही वाचलात हे विसरू नका,असे आमदार अमोल मिटकरी यांनी म्हंटले आहे.