माझ्या वडीलांवर पुन्हा बोललात तर माझी कशाचीही तयारी, सुजय विखेंचा थोरातांना थेट इशारा ?

संगमनेर तालुका फक्त कुटुंब आहे. असे म्हणून चालत नाही, तर जबाबदारी पाडावी लागते. आमची सहनशीलता ही कमजोरी समजू नका आता पातळी सोडून बोलाल तर गाठ माझ्याशी आहे. तुमच्या मुलीला न्याय मिळाला पण गाडीतून ओढून मारहाण केलेल्या आमच्या बहीणीची माफी कोण मागणार असा परखड सवाल  सुजय विखे यांनी उपस्थित केला आहे. आभोरे आयोजित केलेल्या सभेत  विखे यांनी आज लाव रे तो व्हीडीओ मधून कॉंग्रेस  कार्यकर्त्यांनी गाड्या जाळण्याच्या कृत्याचा घटनाक्रम दाखवून मला मारण्यासाठी आमदारांचे बंधू इंद्रजित थोरात यांनीच हे सर्व कटकारस्थान रचले असल्याचा थेट आरोप केला.

(संग्रहित दृश्य.)

तुमच्या तालुक्यातील जनतेवरच हल्ले करता…..

डॉ. जयश्री थोरात यांच्याबद्दल केलेल्या वक्तव्यचा निषेध तसेच विखे कुटूबांच्या वतीने दिलगीरी व्यक्त करून सुजय विखे  म्हणाले, की जो व्यक्ति बोलला तो आता जेलमध्ये आहे. पण आमच्या सभेसाठी आलेल्या महीलांना मारहाण करणारे कॉंग्रेस कार्यकर्ते उघडपणे तालुक्यात फितर आहेत. आमची संस्कृती काढून राज्यात बदनामी केली. पण आमच्या मतदार संघात येवून वडीलांबद्दल वाटेल ते बोलता. ज्याची ग्रामपंचायतीमध्ये निवडवून यायची लायकी नाही ते बोलतात आणि या तालुक्याचे आमदार हसतात ही तुमची संस्कृती आहे का ? असा प्रश्न त्यांनी उपस्थित केला. आमच्या तालुक्यात येवून आरोप झाले तरी एक सायकल सुध्दा आम्ही जाळली नाही. आमची सहनशीलता कमजोरी समजू नका. आमच्यावर लोकशाही मानण्याचे संस्कार आहेत. मला डोक्यावर पडला म्हणता, आता कोण कोणाला पाडतो हेच दाखवतो असा टोलाही त्यांनी लगावला. विकासावर बोला हे आवाहन त्यांना दिले पण त्यावर ते बोलत नाही.पण केवळ व्यक्तिगत टिका करून वेळ मारून नेली जाते. वडीलांवर बोललो तर डाॅ जयश्री ताईना खूप लागले. पण माझ्या वडीलांवर तुम्ही बोलता हे तीन वर्ष आम्ही सहन केले. पण आता पुन्हा बोललात तर माझी कशाचीही तयारी असल्यचा इशारा त्यांनी दिला. अंधारातून तुम्ही युवक आणि महीलांना मारहाण केली अरे उजेडात येवून हल्ले करा. गाड्या पाठवता हत्यार घेवून पाठवता. तुम्ही तुमच्या तालुक्यातील जनतेवरच हल्ले करता ते कोणी दुसरे नाहीत प्रेमापोटी सभेला आले होते. पण तुम्हाला ते सहन झाले नाही. या तालुक्यात परीवर्तन घडवायचे असेल तर दडपशाहीच्या विरोधात गावोगावी गनिमावा करून पेटून उठावे लागेल. आज जी आग माझ्या गाडीला लागली ती तुमच्या घरापर्यत येण्यास वेळ लागणार नाही त्यामुळेच परीवर्तन करण्यासाठी सज्ज होण्याचे आवहन त्यांनी केले.