राजस्थानमध्ये प्रसिद्ध असलेल्या फालोडी सट्टा मार्केटमध्ये डॉ. सुजय विखे आणि निलेश लंके यांच्या विजयावर चक्क सट्टा…..

TIMES OF AHMEDNAGAR

लोकसभा निवडणूक सुरु झाली आणि महाराष्ट्रातील काही मतदार संघांवर संपूर्ण राज्याचे लक्ष केंद्रित झाले. अनके लढती अत्यंत अटीतटीच्या असल्याने त्या जागेंबाबत अगदी पाण्याच्या ठेल्यापासून तर कॉर्पोरेट ऑफिसपर्यंत त्याच चर्चा आहेत.

स्त्रोत सोशल मिडिया

नीलेश लंके यांची चुरशीची लढत….

अहमदनगर जिल्हा जसा सहकाराचा जिल्हा म्हणून ओळखला जातो. तसाच तो सगेसोयऱ्यांच्या राजकारणासाठी देखील ओळखला जातो.  यंदा दक्षिण लोकसभा  निवडणुकीत  भाजपचे उमेदवार सुजय विखे आणि राष्ट्रवादी शरदचंद्र पवार गटाचे उमेदवार निलेश लंके यांच्यात लढत होणार आहे. अहमदनगर लोकसभा मतदारसंघात यावेळी मतदानाचा टक्का किचिंत वाढला आहे. गेल्यावेळी म्हणजे २०१९ ला अहमदनगर मतदारसंघात ६४.७९ टक्के मतदान झाले होते. यावेळी ते ६६.६१ टक्के मतदान झाले होते. मतदानाचा टक्का वाढला तरी   महाविकास आघाडीचे उमेदवार नीलेश लंके यांची चुरशीची लढत झाली आहे. त्यामुळे आता मतदानाच्या वाढत्या आकडेवारीचा कोणाला फायदा होणार हे पाहणे महत्त्वाचे ठरणार आहे. . प्रचारासाठी दोघांनी जोर लावला होता. मतदानाचा निकाल आता अवघ्या काही तासांवर असून या लढतीत कोण बाजी मारणार हे स्पष्ट होणार आहे.

स्त्रोत सोशल मिडिया

राजस्थानच्या सट्टा मार्केट मध्ये चर्चा , लंके का विखे ? 

डॉ. सुजय विखे पाटील यांनी ही निवडणूक आपल्या अस्तित्वाची व प्रतिष्ठेची बनवली आहे. तर निलेश लंके यांनी ही निवडणूक अभी नहीं तो कभी नही असा सूर आळवत लढली आहे.  दोन्ही उमेदवारांच्या विजयावर अनेक ठिकाणी गुप्तपणे पैजादेखील लावण्यात आल्या असल्याचे समजते आहे. विशेष म्हणजे राजस्थानमध्ये प्रसिद्ध असलेल्या फालोडी सट्टा मार्केटमध्ये खासदार डॉ. सुजय विखे आणि निलेश लंके यांच्या विजयावर चक्क सट्टा लावण्यात आल्याची जोरदार चर्चा सध्या अहमदनगरमध्ये रंगली आहे. राजस्थानचे हे सट्टा मार्केट आंतरराष्ट्रीय किर्तीचे सट्टा मार्केट आहे. या मतदारसंघात कोण खासदार होणार, याकडे आख्या महाराष्ट्राचे नव्हे तर देशाचे लक्ष लागले असल्याचे दिसून येत आहे.