अवैध धंद्यांच्या प्रवाहात वाह्तायेत गुरु , अन संदीपकचे कलेक्शन सुरु ?

TIMES OF AHMEDNAGAR

अहमदनगर शहराचे वातावरण दिवसेंदिवस गढूळ होत चालले आहे. भरदिवसा अवैध धंद्यांचा सूळसुळाट तर मध्यरात्री खुनी हल्ले,शहरात घडणे नवीन नाही. यावर पोलीस दलाचे नियंत्रण नाही. शहरात अनेक घटना या अवैध धंद्यांच्या वर्चस्वाच्या लढाईमुळे होत आहेत. अवैध धंद्यांचा बालेकिल्ला समजल्या जाणाऱ्या भिंगार शहरात देखील एका तरुणावर प्राणघातक हल्ला करण्यात आला होता. मात्र काही वसुली बहाद्दरांमुळे या प्रकरणावर पडदा पडला होता. मात्र प्रशासनाच्या चुप्पीने जनतेच्या मनात प्रश्नचिन्ह निर्माण केला आहे.

“गुरूंच्या आशीर्वादाने खेळ सुरू “

भिंगार शहराला चारही बाजूने सैन्याचा घेरा आहे.तरीदेखील भिंगार शहराला अवैध धंद्यांचा बालेकिल्ला मानला जातो. भिंगार कॅम्प पोलीस ठाण्याच्या हद्दीत बिंगो,जुगार,अवैध दारू विक्री , चोरीच्या गाड्या विक्री,पत्त्यांचे क्लब अशे अनेक अवैध धंदे मोठ्या प्रमाणात सुरु आहेत. दक्षिण मुखी हनुमान मंदिरा शेजारी  हिरामोती पान शेजारी मटका आणि बिंगो , भीमनगर येथे अवैध गांजा विक्री , जलसा हॉटेल शेजारी मटका , आसाराम वडा शेजारी मटका , अशा अनेक बहाद्दुरांनकडून कलेक्टर संदीप लक्ष्मी दर्शन घेऊन गुरूंचा आशीर्वाद देत आहे.  

या धंद्यांवर कारवाई करण्यासाठी पोलिसांचे कोणतेही बळ उपलब्ध नसल्याचे एकंदरीत या धंद्यांच्या जोराने दिसून येते. या धंद्यांवर कारवाई न करण्यासाठी गुरूंनी काही पंटर नेमले आहेत. खाकीची अब्रू घालून हे पंटर गुरूंसाठी चिरीमिरी जमा करत असल्याची प्राथमिक माहिती आहे. भिंगार पोलीस ठाण्याच्या हद्दीत हिरा,गुटखा, आणि सुगंधित तंबाखूची मोठ्या प्रमाणात विक्री होत आहे. मात्र जे कारभारी हे धंदे जोरात चालवत आहेत त्या कारभाऱ्यांना संदीप हा कलेक्टर पार्टनर असून या धंद्यांवर पोलीस कारवाई करत नाहीत. याच अवैध धंद्यांमुळे भिंगार शहरात अनेकदा वाद निर्माण होऊन तणावाचे वातावरण निर्माण झालेले आहे. 

स्त्रोत.सोशल मिडिया.

रूट मार्च मध्येच मिरवणार कि आपला मोर्चा अवैध धंद्यांवर फिरवणार ? 

भिंगार पोलिसांनी काल मुकूंदनगर भागात इरिगेशन मस्जिद-बॉम्बे बेकरी-दरबार चौक , सहारा कॉर्नर-नगरी चहा-संभा टपरी चौक-फकीरवाडा रोड, वाबळे कॉलनी-बॉम्बे बेकरी व इरीगेशन मस्जिद असा तसेच भिंगार शहरात पंचशिल कमान-खळेवाडी-नेहरु चौक-शिवाजी चौक-ब्राम्हण गल्ली-भिंगार वेस-गवळीवाडा-सदर बाजार या भागात रुट मार्च घेण्यात आला रुट मार्च करीता भिंगार कॅम्प पोलीस ठाण्याचे प्रभारी अधिकारी उपस्थित होते. मात्र संबंधित अधिकारी शक्ती प्रदर्शन (रूट मार्च) अवैध धंद्यांकडे कधी वळवणार हा सध्या प्रश्न उपस्थित होत आहे.