मनोज जरांगे ५०० रुपयांच्या बॉंडवर लिहून घेणार, नाही तर …….

(संग्रहित दृश्य.)

५०० रुपयांच्या बाँडवर लिहून देत येणाऱ्या उमेदवारांची संख्या वाढली.

जरांगे पाटील यांच्या घोषणेनंतर आंतरवली सराटीत मध्यरात्रीच्या गाठीभेटी वाढल्याचे दिसून येत आहे. ५०० रुपयांच्या बॉण्डवर लिहून देत येणाऱ्या उमेदवारांची संख्या ही वाढल्याचे सांगण्यात येत आहे. केंद्रीय मंत्री रावसाहेब दानवे यांचे पुत्र संतोष दानवे यांच्या विरोधात चंद्रकांत दानवे हे भोकरदन विधानसभेतून निवडणूक लढवण्यास इच्छुक आहेत. दरम्यान बाँड घेऊन जरांगेंकडे येणाऱ्या उमेदवारांना त्यांनी एक आवाहन केलं आहे. जरांगे पाटील यांच्या घोषणेनंतर त्यांच्याकडे ५०० रुपयांच्या बाँडवर लिहून देत येणाऱ्या उमेदवारांची संख्या वाढली आहे. ज्या मतदारसंघात मनोज जरांगे पाटील यांच्याकडून उमेदवार देण्यात येणार नाही. त्या मतदारसंघातील इतर पक्षाच्या उमेदवारांकडून  बाँडवर लिहून घेतलं जाणार आहे. त्यामुळे सध्या बाँड घेऊन अंतरवाली सराटी येथे जाणाऱ्यांची संख्या वाढल्याने मनोज जरांगे यांनी बाँड घेऊन येणाऱ्या उमेदवारांना महत्त्वाचं आवाहन केलं आहे. 

(संग्रहित दृश्य.)

अपक्ष किंवा तिसऱ्या क्रमांकाच्या उमेदवाराला आम्ही पाठिंबा जाहीर करू.

तुम्ही थेट बाँड घेऊन आमच्याकडे येऊ नका, सध्या काय व्हायलयं कुणीही ५०० रुपयांचा बाँड घेऊन आमच्याकडे यायलंय. त्यामध्ये  एखाद्याकडे पैसे नसतील तर तो उसने पैसे घेऊन ५०० रुपयांचा बाँड घेऊन लिहून देतोय. मराठ्यांचं मतदान आहे, म्हणून तुम्ही उगाच बाँड लिहित बसायचं असं करु नका. अगोदर आमच्याशी संपर्क करा, किंवा येऊन भेटा. जिथं आम्ही उमेदवार देणार नाहीत. तिथं कुठल्या पक्षाचा असेल किंवा अपक्ष उमेदवार असेल त्याचे मेरीट आम्ही तपासणार आहोत. समजा एखाद्याने आम्हाला बाँडवर लिहून दिलं नाही तर त्या मतदारसंघातील अपक्ष किंवा तिसऱ्या क्रमांकाच्या उमेदवाराला आम्ही पाठिंबा जाहीर करू, असेही जरांगे यांनी स्पष्ट केले.