सलमानच्या वहिनींचे ब्रेकअपनंतर सोशल मीडियावर एक क्रिप्टिक पोस्ट ; म्हणाली जहां इज्जत ना हो वहां दूरी सही…

बॉलिवूडची ग्लॅमरस अभिनेत्री मलायका अरोरा पुन्हा एकदा तिच्या क्रिप्टीक पोस्टमुळे चर्चेत आली आहे. खरंतर अर्जुन कपूरसोबतच्या ब्रेकअपनंतर अभिनेत्रीचं नाव क्रिकेटपटू कुमार संगकारासोबत  जोडलं जात आहे. पण आता मलायकानं सोशल मीडियावर केलेली पोस्ट काहीतरी वेगळंच सांगत आहे. मलायकाची ही पोस्ट तुफान व्हायरल होत आहे. मलायका अरोरानं तिच्या इंस्टाग्राम अकाउंटच्या स्टोरीवर एक पोस्ट शेअर केली आहे. त्यात मलायकानं लिहिलंय की तुम्ही जितके मोठे व्हाल तितके तुम्ही संघर्षापेक्षा शांतता आणि अनादर यांच्यात योग्य अंतर राखाल. नाटक तुमच्यासाठी असह्य होतं आणि तुमच्यासाठी शांती तुमची पहिली पसंती बनते. तुम्ही स्वतःला अशा लोकांभोवती वेढू लागता जे तुमच्या मानसिक आरोग्यासाठी, हृदयासाठी आणि आत्म्यासाठी चांगले असतात.

या आधी मलायकान तिच्या एका पोस्टमध्ये असंही लिहिलं होतं की तुमच्या आत्मविश्वासात वास्तव बदलण्याची शक्ती आहे. अशा परिस्थितीत काही लोक तुम्हाला अहंकारी म्हणतील पण काही लोक तुम्हाला अनुभवी देखील म्हणतील. पण जे लोक असं मानतात की तुमच्यासोबत सर्वात चांगल्या गोष्टी घडत आहेत ते अगदी बरोबर आहेत. काही दिवसांपूर्वी मलायका अरोरा राजस्थान रॉयल्सचा जयजयकार करण्यासाठी स्टेडियममध्ये पोहोचली होती. जिथे ती क्रिकेटर कुमार संगकारासोबत बसलेली दिसली. त्या सामन्यातील दोघांचे व्हिडीओ खूप व्हायरल झाले. त्यानंतर लोक त्यांच्या नात्याबद्दल अंदाज लावू लागले. सर्वांना वाटू लागलं की आता ही अभिनेत्री त्या क्रिकेटपटूला डेट करत आहे. कुमार संगकारा आणि मलायका दोघांच्या अफेअरच्या चर्चांना उधाण आलं. अशातच आता मलायकानं केलेल्या क्रिप्टीक पोस्टमुळे सारेच विचारात पडले आहेत की मलायकाला नेमकं म्हणायचंय काय ? दरम्यान मलायका अरोरा अर्जुन कपूरसोबत पाच वर्षांहून अधिक काळ रिलेशनशिपमध्ये होती. गेल्या वर्षीच दोघांचं ब्रेकअप झालं होतं.