महाराष्ट्र केसरी आज भिडणार.ऑलिम्पियन अमित दहिया, अर्जुन पुरस्कारप्राप्त काका पवार यांची उपस्थिती

राज्य क्रीडा महोत्सव अंतर्गत सुरू असलेल्या राज्य कुस्ती स्पर्धेनिमित्त आज अनेक दिग्गजांची उपस्थिती राहणार आहे. तसेच महाराष्ट्र केसरी विजेत्या पैलवानांची आज लढत रंगणार आहे.  येथील जिजामाता क्रीडा व व्यापार संकुलमध्ये आमदार संजय गायकवाड यांच्या पुढाकाराने राज्य क्रीडा महोत्सव सुरू आहे. या अंतर्गत काल पासून राज्य कुस्ती स्पर्धेला सुरुवात झाली आहे. आज शनिवारी ( दि १३) आयोजित सामन्यात महाराष्ट्र केसरी कुस्तीपटू भिडणार आहेत. यामुळे आजचे सामने उच्च दर्जाचे क्रीडा कौशल्य दाखविणारे ठरणार आहे. कुस्तीमधील दोन दिग्गज खेळाडू यावेळी उपस्थित राहून खेळाडुंचा उत्साह वाढविणार आहेत. यामध्ये अर्जुन पुरस्कार विजेते काका पवार व ऑलम्पियन , आशियाई विजेता हरियाणाचा अमित दहीया स्पर्धेत सहभागी होणार आहे.