TIMES OF AHMEDNAGAR
नुकत्याच प्रदर्शित झालेल्या महाराज चित्रपटातून आमिर खानचा मुलगा जुनैद खानने बॉलीवूडमध्ये पदार्पण केलं आहे. या चित्रपटात जयदीप अहलावत, शर्वरी वाघसह,अभिनेत्री शालिनी पांडे हिची महत्त्वाची भूमिका आहे. या चित्रपटात तिने जयदीप अहलावत सोबत एक सेक्स सीन दिला आहे. हा सीन शूट करतानाचा अनुभव शालिनीने सांगितला आहे.
स्त्रोत.सोशल मिडिया.
चरण सेवेच्या नावाखाली शारीरिक संबंध ठेवायला भाग पाडलं जातं.
चित्रपटात शालिनीने किशोरी नावाचं पात्र साकारलं आहे. तर जयदीप अहलावतने जेजे नावाच्या महाराजाची भूमिका केली आहे. सिनेमात किशोरीला जेजेसोबत चरण सेवेच्या नावाखाली शारीरिक संबंध ठेवायला भाग पाडलं जातं. हा सीन करताना मी खूप घाबरली होती असा अनुभव शालिनी पांडेने सांगितला आहे. चित्रपटाची कथा वाचल्यावर ती पात्र साकारत असलेली किशोरी मूर्ख आहे असं शालिनीला वाटलं होतं. या चित्रपटात जयदीपने १८०० च्या दशकातील महाराजाची भूमिका केली आहे. जेजेचं वर्चस्व असलेल्या हवेलीत तरुण स्त्रियांचं ‘चरण सेवा’ या प्रथेच्या नावाखाली शारीरिक शोषण केलं जायचं. आपल्याकडून बलात्कार होणं हे एकप्रकारे पवित्र आहे, असं त्यांना महाराजने पटवून दिलं होतं तर दुसरीकडे तरुणींसोबत घडणाऱ्या या प्रकाराकडे समाज डोळेझाक करायचा कारण त्यांनाही ते योग्य वाटत होत.
स्त्रोत.सोशल मिडिया.
मी माझ्या टीमला सांगितलं की मला बंद खोलीत राहायचं नाही.
जेव्हा मी महाराजांसोबत तो चरणसेवेचा सीन प्रत्यक्षात शूट केला तेव्हापर्यंत माझ्यावर काय परिणाम झाला हे मला कळालंच नाही, कारण मी तो सीन केला आणि अचानक मी बाहेर गेले आणि मी माझ्या टीमला सांगितलं की मला बंद खोलीत राहायचं नाही. मला वेळ हवा आहे, मला थोडी ताजी हवा पाहिजे आहे, मी थोडी घाबरले होते, असं शालिनीने एका मुलाखतीत सांगितलं आहे. शालिनी म्हणाली की तिने याबद्दल दिग्दर्शक सिद्धार्थ पी मल्होत्राला सांगितलं. या सीनमधील सहकलाकार जयदीप अहलावतनेही तिला समजून घेतलं. या चित्रपटातील पात्र आणि खऱ्या आयुष्यातील शालिनीचे विचार खूप वेगळे आहेत असं तिने सांगितलं. पहिल्यांदा स्क्रिप्ट वाचली तेव्हा शालिनीला किशोरी हे पात्र अत्यंत मूर्ख वाटलं होतं.
स्त्रोत.सोशल मिडिया.
किशोरी खूप भोळी आणि गोड आहे.