तिला लढायचं होतं, पण मैदानात येण्यापूर्वीच ती अपात्र ठरली होती……. विनेश फोगटचा कुस्तीला अलविदा !

(संग्रहित दृश्य.)

तिला लढायचं होतं, पण मैदानात येण्यापूर्वीच ती अपात्र ठरली होती.

ऑलिम्पिकच्या स्पर्धेत विनेश फोगटनं तिच्या प्रतिस्पर्धी विरुद्ध उपांत्य फेरीचा सामना ५-० च्या फरकानं जिंकला. प्रतिस्पर्धीसाठी तिनं साधा एक गुणही सोडला नव्हता. त्यावेळी विनेश फोगाटच्या हाती सुवर्ण पदक लागणार आणि भारताचा गौरव होणार हे निश्चित होते. त्यामुळे विनेश गोल्ड आणणारच ही खात्री जवळपास प्रत्येक भारतीयाच्या मनात होती. ऑलिम्पिकच्या अंतिम फेरीसाठी पात्र ठरणारी विनेश फोगाट हि पहिली भारतीय महिला कुस्तीपटू ठरली आहे. पण, १५० ग्रॅम वजन पात्र ठरलं आणि विनेशला सुवर्ण पदकाच्या सामन्यासाठी अपात्र ठरवण्यात आलं. तिला लढायचं होतं, पण मैदानात येण्यापूर्वीच ती अपात्र ठरली होती.

(संग्रहित दृश्य.)

आणखी ५० ग्रॅम वजन जर विनेश कमी करु शकली असती तर…..

इंडियन एक्स्प्रेसच्या वृत्तानुसार मंगळवारी रात्री विनेश फोगाटला कळलं की तिचं वजन ५२ किलो आहे. त्यानंतर तिने वजन कमी करण्यासाठी भरपूर मेहनत घेतली. विनेशनं जॉगिंग केलं,सायकलिंगही केलं,दोरीवरच्या उड्या मारल्या, त्यानंतर विनेश फोगटने केस कापले, नखं कापली, रक्तही काढलं मात्र विनेशच्या हाती यश आले नाही.तिचं वजन १५० ग्रॅम जास्त भरलं. आणखी ५० ग्रॅम वजन जर विनेश कमी करु शकली असती तर ती ही स्पर्धा खेळू शकली असती. आता तिने कुस्तीतून निवृत्ती घेतली आहे.