पोटची मुलगी गेल्याने आईच्या आयुष्यात अश्रूंचा घाव, आरोपीला अटक न करण्यासाठी पोलिसांवर कोणाचा दबाव ?

अहमदनगर शहरात मंगळवार (दि.२१ मे) रोजी दोन परप्रांतीय कामगारांमध्ये झालेल्या किरकोळ वादातून एकाने दुसऱ्याचा दगडाने ठेचून खून केल्याची घटना रात्री ११.३० वाजण्याच्या सुमारास काटवन खंडोबा ते आगरकर मळा रोडवर असलेल्या शेतातील पत्र्याच्या खोली घडली होती. या आरोपीच्या मुसक्या आवळण्यात कोतवाली पोलीस ठाण्याचे पोलीस निरीक्षक प्रताप दराडे यांचे पथक यशस्वी झाले होते. त्यावेळी पोलीस निरीक्षक दराडेंची यंत्रणा मजबूतच, खून करून पळून जाणाऱ्या आरोपीच्या पहाटे तीन वाजता आवळल्या मुसक्या. अशी बातमी टाईम्स ऑफ अहमदनगरचे मुख्य संपादक भैय्यासाहेब बॉक्सर यांनी प्रसिद्ध केली होती. मात्र आजची परिस्थिती पाहता फक्त प्रसिद्धी मिळेल तेवढीच कारवाई करायची असे पथकाने ठरवले आहे ? असे म्हणता येईल का असा सवाल उपस्थित होत आहे.

(अमोल गायकवाड. अर्चनाचे पती.)

शहरात छाप करत मिरवूनही पोलिसांना दिसेना ?

केडगाव येथील रहिवासी अर्चना अमोल गायकवाड या विवाहित महिलेचा मृतदेह तिच्या राहत्या घरी आढळला. त्या महिलेने आत्महत्या केल्याचे पोलीस सूत्रांनी सांगितले आहे. मात्र अर्चनाच्या कुटुंबियांच्या म्हणण्यानुसार हि आत्महत्या नसून तिला तीचे पती अमोल गायकवाड यांनी मारहाण केली आहे. विशेष म्हणजे त्या महिलेने ज्या घरात आत्महत्या केली असल्याचे बोलले जाते त्या घरात अर्चनाचे पती अमोल देखील उपस्थित होते. काही वेळानंतर अर्चना हिच्या मृत्यूची माहिती मिळताच शेजारील रहिवासियांनी अर्चनाच्या घरी धाव घेतली.तोपर्यंत अर्चनाचा मृत्यू झाला होता. त्यानंतर कोतवाली पोलीस ठाण्यात भा.द.वी ३०६,४९८अ,३२३,५०४,५०६,३४ प्रमाणे अर्चनाचे पती अमोल रत्नाकर गायकवाड, सासरे रत्नाकर हरिभाऊ गायकवाड, दीर प्रमोद रत्नाकर गायकवाड यांच्यावर गुन्हा दाखल करण्यात आला आहे. अमोल गायकवाड शहरात फिरत असून देखील त्याला पोलिसांनी अटक केलेली नाही.अमोलला पोलीस पाठीशी घालत असल्याचा आरोप मयत अर्चनाच्या आईने केला आहे.

(मयत.अर्चना गायकवाडचे दृश्य.)

पोलिसांनी अटक केली मात्र कोणत्या अधिकाराखाली सोडले. ? 

अर्चना अमोल गायकवाड या विवाहित महिलेने ज्या दिवशी आत्महत्या केली असे बोलले जाते त्या दिवशी तीचे पती अमोल गायकवाड देखील त्याच घरात उपस्थित होते.मात्र नागरिकांची व नातेवाईकांची वाढलेली गर्दी पाहता अमोल गायकवाडने घटनास्थळावरून पळ काढला होता. जर अमोल गायकवाड यांनी चूक केली नाही तर त्यांनी तेथे उपस्थित राहणे अपेक्षित होत. मात्र त्यांनी पळ काढताच संशयाची चक्री अमोल यांच्या भोवती फिरू लागली होती. पोलिसांनी अमोलला ताब्यात देखील घेतले मात्र काही वेळातच पोलिसांनी अमोलला सोडून दिल्याने मयतेच्या नातेवाईकांनी पोलीस अधीक्षकांकडे धाव घेतली होती. परंतु पोलीस अधीक्षकांकडून देखील न्याय न मिळाल्याने न्यायासाठी वणवण फिरावे लागत असल्याची खंत मयत अर्चना गायकवाडचे नातेवाईक व्यक्त करत आहेत.