नाशिकमध्ये खुनाचा थरार ! दोन सख्ख्या भावांचा धारदार शस्त्रानं निर्घुण खून ; मृतांपैकी एक राष्ट्रवादी अजित पवार गटाचा पदाधिकारी.

TIMES OF NAGAR 

नाशिक : शहरात बुधवारी (दि.१९) दिवसभर रंगपंचमीचा उत्साह दिसून आला. मात्र रात्री दुहेरी हत्याकांडाने नाशिक हादरले आहे. उपनगर पोलीस ठाण्याच्या हद्दीतील आंबेडकरवाडी येथे दोघा सख्ख्या भावांची टोळक्याकडून धारदार शस्त्र भोसकून हत्या करण्यात आल्याने शहरात एकच खळबळ उडाली आहे. पूर्ववैमनस्यातून खून झाल्याचा अंदाज पोलिसांनी वर्तवला असून या प्रकरणी ५ संशयितांना पोलिसांनी ताब्यात घेतले आहे. रंगपंचमीच्या निमित्ताने जल्लोषाला दिवसभर संपूर्ण शहरात उधाण आलेले होते. मात्र रात्री शहर झोपी जात असताना उपनगर पोलीस ठाण्याच्या हद्दीतील पुणे महामार्गाला लागून असलेल्या आंबेडकरवाडीमध्ये एका सार्वजनिक शौचालयासमोर कोयतेधारी हल्लेखोरांनी मन्ना जाधव आणि प्रशांत जाधव या दोघा सख्ख्या भावांवर हल्ला चढवला.