महागडा फोन घेण्यास वडिलांनी नकार देताच मुलाने स्वतःचे जीवन संपवले ….. स्मार्ट फोनच्या आहारी चालली तरुणाई !

महागडा मोबाईल फोन घेण्यासाठी वडीलांनी पैसे न दिल्याच्या रागातून शिक्षकाच्या मुलाने विषारी औषध पिऊन आत्महत्या केली आहे. गजानन रामदास उगले, वय २३ रा. नायगाव असे मयत मुलाचे नाव आहे. उपचारादरम्यान गजानन रामदास उगले याचा तब्बल २३ दिवसांनी जामखेड येथील खाजगी रुग्णालयात मृत्यू झाला आहे.

स्त्रोत.सोशल मिडिया.

गजानन याने वडीलांनकडे महागडा मोबाईल घेण्यासाठी पैसे मागितले होते.

याबाबत माहिती अशी की मयत गजानन रामदास उगले याचे वडील खर्डा येथील रयत शिक्षण संस्थेच्या खर्डा इंग्लिश स्कूल या ठिकाणी शिक्षक आहेत. गजानन याने वडीलांनकडे महागडा मोबाईल घेण्यासाठी पैसे मागितले होते मात्र वडिलांनी ते पैसे न दिल्याच्या रागातून गजानन उगले या तरुणाने २८ एप्रिल २०२४ विषारी औषध प्राशन केले होते. या नंतर त्याला अधिकच्या उपचारासाठी खासगी रुग्णालयात दाखल करण्यात आले होते. गजानन वर २३ दिवसांनपासुन जामखेड येथील एका खाजगी रुग्णालयात उपचार सुरू होते.
गजानन याच्या प्रकृतीमध्ये हळु हळु सुधारणा होत होती. मात्र काल दि १८ रोजी सायंकाळी ६ वाजता त्याचा उपचारादरम्यान मृत्यू झाला आहे. या प्रकरणी नातेवाईकांनी दिलेल्या माहितीवरून  जामखेड पोलीस ठाण्यात अकस्मात मृत्यूची नोंद करण्यात आली आहे. घटना खर्डा पोलीस ठाण्याच्या हद्दीत घडली आसल्याने सदरची नोंद खर्डा पोलीस ठाण्याकडे वर्ग करण्यात येणार असल्याची माहिती पोलिसांनी दिली आहे.