पाच वर्षीय मुलीसोबत मंदिराच्या पुजाऱ्यानेच केले अश्लील कृत्य, मंदिरातही मुली असुरक्षितच…..

TIMES OF AHMEDNAGAR

मुंबई – मंदिरातच पुजाऱ्याकडून अल्पवयीन मुलीसोबत अश्लील कृत्य करण्याचा प्रयत्न झाल्याची धक्कादायक घटना समोर आली आहे.मुंबईमधील गोरेगावच्या जवाहरनगर येथील परिसरातून ही घटना समोर आली आहे. गोरेगावच्या गावदेवी मंदिरात पीडित पाच वर्षीय मुलीसोबत मंदिराच्या पुजाऱ्यानेच अश्लील कृत्य करण्याचा प्रयत्न करण्याच्या धक्कादायक घटनेने सर्वत्र खळबळ माजली आहे. मंदिरातच अल्पवयीन मुलीसोबत असा प्रकार घडल्याने महिलांच्या सुरक्षिततेचा प्रश्नांवर पुन्हा एकदा समोर आला आहे.

स्त्रोत सोशल मिडिया

चीमुकलीसोबत पुजाऱ्याचे आक्षेपार्ह वर्तन….

गोरेगावच्या गावदेवी मंदिरात ही घटना घडल्याची माहिती समोर आली आहे. पीडित ५ वर्षीय मुलगी १२ जून रोजी सायंकाळी ७ वाजेच्या सुमारास देवदर्शनासाठी आली असताना पुजाऱ्याने आक्षेपार्ह वर्तन केले आहे. प्रसाद देण्याच्या नावाखाली मंदिरातील पुजारीने तिला मंदिराच्या मागील बाजूस नेत अश्लील कृत्य करण्याचा प्रयत्न केला आहे. अशी माहिती समोर आली आहे. पुजाऱ्याने अल्पवयीन मुलीसोबत अश्लील कृत्य करण्याचा प्रयत्न करत असतानाच मात्र त्याच वेळी मुलीच्या जवळच्या व्यक्तीच्या ही बाब लक्षात आल्यानंतर हा प्रकार उघडकीस आला आहे. 

स्त्रोत सोशल मिडिया 

मंदिरातही मुली असुरक्षित…. 

या प्रकरणी मुलीच्या कुटुंबियाने दिलेल्या तक्रारीनुसार गोरेगाव पोलिसांनी आरोपी पुजारी शिवम पांडेच्या विरोधात कलम ३५४ (अ) भादवीसह १२ पोस्को कायद्यांतर्गत गुन्हा दाखल केला आहे. या प्रकरणी आरोपी पुजारी शिवम पांडे याला पोलिसांनी अटक केल्याची माहिती सूत्रांनी दिली आहे. या प्रकरणी गोरेगाव पोलिस अधिक तपास करत आहेत. दरम्यान मंदिरातील पुजाऱ्याकडूनच अशाप्रकारचे अश्लील कृत्य करण्यात आल्याने परिसरात एकच खळबळ उडाली आहे. त्यामुळे आता मंदिरातही मुली सुरक्षित नसल्याचे समोर आले असून महिला सुरक्षेचा प्रश्न पुन्हा एकदा ऐरणीवर आला आहे.