भाजपच्या प्रदेशाध्यक्षांच्या मुलाच्या कारची पाच वाहनांना धडक,चालकाला अटक तर सीसीटीव्ही फुटेज गायब करण्यात आल्याची चर्चा. ?

पोलिसांच्या माहितीनुसार संकेत यांची मोटार त्यांचा चालक अर्जुन हावरे (२४) आणि रोनित चिंतमवार (२७) यांना चालवायला दिली होती. याच मोटारीने रविवारी मध्यरात्री पाच वाहनांना धडक दिली. अपघातग्रस्त जितेंद्र सोनटक्के (४०) यांनी दिलेल्या तक्रारीवरून सीताबर्डी पोलिसांनी चालक हावरे आणि चिंतमवार यांना अटक केली आहे. पोलिसांनी वाहन जप्त करून पोलीस ठाण्यात आणली. त्यावेळी तिची नंबर प्लेट काढण्यात आल्याचे उघड झाले. वाहन कोणाच्या नावावर आहे, याची माहिती वाहतूक कार्यालयाकडून मागविल्याचे पोलीस अधिकारी चंद्रशेखर चकाटे यांनी सांगितले आहे.

(संग्रहित दृश्य.)

पोलिसांनी नि:ष्पक्ष चौकशी करावी.

अपघातावेळी नेमके कार कोण चालवत होते, हे अद्यापही गुलदस्त्यातच आहे. संविधान चौकापासून ते सेंट्रल बाजार रोडवरील सीसीटीव्ही फुटेज गायब करण्यात आल्याची चर्चा आहे. रामदासपेठमध्ये महागड्या ऑडी कारने अनेक गाड्यांना धडक दिली. चंद्रेशखर बावनकुळे यांच्यासाठी कायदा वेगळा आहे का ? असा सवाल शिवसेना (उद्धव बाळासाहेब ठाकरे) गटाच्या प्रवक्त्या सुषमा अंधारे यांनी उपस्थित केला आहे. तर सुषमा अंधारे यांना प्रतिउत्तर देतांना चंद्रशेखर बावनकुळे यांनी म्हटलंय कि कार माझ्या मुलाच्या नावावर आहे. पोलिसांनी नि:ष्पक्ष चौकशी करावी. दोषी असतील त्यांच्यावर गुन्हे दाखल व्हावेत.